بە پاو ئامارەکا کۆڵبەرنیوزی، جە شش مانگی یووەم و ئێساڵینە جە وەرکۆتوو کوردەسانینە، بە گردی ١٤٢  کۆڵبەرێ جە ناوچە سنوورییەکا و جاڏەکا بەینو پارێزگاکا جە ورمێوە تا کرماشان بەمەڵامەتو تەقەی راسەوخۆو هێزە سەروازییەکا و ڕەنوو و سەردایۆ، تەقایۆ ئەڵخامی، کۆتەیرە واری سەرو کەشیۆ و سەختیەکانە و حاڵەتەکا تەریۆ کوشیێ و زامڏارێ بیێنێ.

جە کۆو گردی ئا ئامارانە ٣٦ کۆڵبەرێ کوشیێنی و ٦٧ کۆڵبەرێ زامڎارێ بیێنێ. واتە مقارنە بە نیمەو یوەمو  ساڵەی وییەردۍ، بە ڕێژەو ٦٧٪ کوشیای و زامڎارۍ بییەو کۆڵبەرا زیاڎش کەردەن.

هەرپاسە جە کۆو گردو ئامارەکانە جە شش مانگی یوەمو ئێساڵی بە گردی ١٢٤حاڵەتێ بەمەڵامەتو تەقەی ڕاسەوخۆ یان دایوەنەی و عەزیەتکەردەو هێزە سەروازییەکاوە ژیوایشا جەدەسدان یان زامڎارێ بیێنێ.

هەرپاسە جە کۆو گردی ئا ئامارێنە جە شش مانگەو یوەمو ئێساڵینە جە دلێ کوشیا و زامڎارەکانە، ١٠ کەسێشا زاڕۆڵێ وارو تەمەن ١٨ ساڵانینۍ.