جە شارو مێردینی گروپێۋە جە پارێزەرا سەربەخۊی جە بارۊو ١٣٤ سەرۊک شارەوانېاۋە کە دوۋێشا قەیومێنۍ چا ١٠ شارەنە کە بومەلەرزەی دێنۍ ۋنە ئەرکدارۍ بێنۍ، سکاڵاشا تۊمارە کەرڎە. جە بارۊو دوۋۍ قەیوماۋ ١٣٢ سەرۊک شارەوانیاۋە جە "ئامەڎ، رحا، مەرەش، مەلەتی، سەمسور، دیلۊک، عوسمانیە، ئەدەنە، ھاتای، کیلس" کە جە دماو ساڵەو ١٩٩٩یۊ سەرۊکایەتی شارەوانیەکاشا کەرڎەن و ئیسەیچ سەرۊک شارەوانیێنۍ، دەعواکۍ جە لاو داواکاری گرڎی کۊمارو مێردینیۊ تۊمارە کریێنە.

بێجگە جە سەرۊک شارەوانیەکا جە بارەو قەیومو شارەوانی گۊرەو شارو ئامەڎی "عەلی ئېحسان سو، قەیومو ۋەڵینو یەنیشەھرو ئامەڎی موراڎ مەشېکچی" سکاڵا تۊمارە کریا. ئەحمەڎ دویان بەنامۍ پارێزەراۋە ۋاچێۋەش ئەرەیاۋنا،" ئەشۊ گرڎو ۋەرپەرسا بڎریا بە داڎگاو سزا بڎریا".

ھ.ش