جە سەرنیشتوو ۋەرکەوتوو سوریاینە گرڎ ساڵێ مبارەکبایی جەژنۍ بە سەردانیکەردەی قەبرسانوو گەشمەرڎا دەسپنەمکەرۆ.

دماو نماو جەژنەو قوربانی بنەیانەو گەشمەردا، ئەنداماو رێکوزیا مەدەنیەکا، دامودەزگاکاو ۋېڕاوەبەری دیموکراتیکی، ئاسایش، فەرماندۍ و جەنگەوانا قەسەدەی، یەپەژەی و یەپەگەیچ دلېشانە بە هەزاران کەسۍ سەردای قەبرسانوو گەشمەرڎاشا کەردە.

ئەرەنیشتۍ مەنتیقە جیاجیاکا ۋێنەو رۆڵە گەشمەرڎەکاشا هۊرگېرت و گوڵېشا سەرو قەبرەو گەشمەرڎاوە نیېرە، قورئانشا ۋەنا و دوعاشا کەردە و شیرینیشا بەخشاوە.

جە سەرداکاینە ڕاوەبەرا ئەنجومەنەکاو بنەیانەو گەشمەرڎا و رێکوزیا مەدەنیەکا قسېشا کەردۍ و جە قسەکاشانە یاڎوو گەشمەرڎا ئازاڎیشا بەرزڕاگرت. وچیا کە ئاسایشوو هەرێمەکەی بەرهەموو رەنج و گەشمەرڎان. حەرپاسە ئاماژە بە یەکڕیزی پێکئامایەکا هەرێمەکەی کریا، کە دەوروو رێکوزیا و ئەرەمەرزیا مەدەنی و سەروازییەکۍ ۋېشاوە کوۍ بیێوە.

جە قسەکانە قەولوو درێژەدای بە رێبازو گەشمەرڎا و پارېزنای میراتی ئا گەشمەرڎا خواوەی کریاوە.