سەروازەکۍ ترکی ھجومکەرانۍ سەرو ۋنەقۊمېایا بومەلەرزەکەی
وەیسی ئاتار کەچۆڵچەمش زامڎار کریان ۋاتش، ۋەختۍ لوۋان پۍ ڕێکوزیاو پېشەسازی(ihh)ی تا ھامکاری ھورگێرۊ جەندرمەکۍ ترکی ھجومشا کەرڎەن سەرو ئەشکەنجەشا دان.
ۋەیسی ئاتار ماۋەو ٢٠ساڵان جە شارو سەمسوری مژیۋۊ شەۋەی ۋیەرڎۍ ۋەختۍ چنی مامۊزاکەیش نېازشا بیەن نامۍ ۋێشا پۍ ھۊرگێرتەو ھامکاری جە لاو ڕێکوزیاو پېشەسازیی (ihh) یۊ بنۋیسا، بەڵام جە تەرەفو ۋەرپەرسۍ جەندرمەیۊ ھجومشا کریان سەر. وەیسی ئەرەیاۋناش؛ دماتەر پۊلېس ئاماو ئاڎێچ ۋاتشا "ئێمە حېچ پەیۋەنڎیێما پی مژارو شمۊ نېا ".
ۋەیسی ئاتار چۊڵچەمو پەشتەو گۊشیش کەۋە بیەنۊو ئاسەوارو زامېش پۊۋە دیاراو ۋاتش:" سەعاڎ ٥:١٥ دەیەقۍ لوۋایمۍ پۍ ڕێکوزیاو پیشەسازی. ۋەڵۍ ئانەی جە ترۊمبێلەکەنە وەزمێرە کەسۍ کە چا بۍ ۋاتش" ئێمە یاردی مەڎەیمۍ". من ۋاتم پەرسێۋەم ھەنە، ئاڎ ۋاتش'' حېچ نیا" ۋەختۍ ۋاتم حەر حېچ نیا جوابو سڵامەکەو خوڎایت دێۋە، ئاڎ خێرا بە دارێۋە ھجومش کەرڎ سەرم. دماتەر نزیک بە ١٠ ترۊمبێلۍ سەروازیۍ ئامۍ و گرڎ ۋەستێرەو دەسشا کەرڎ بە دایۋەنەو من و مامۊزاکەیمو ترۊمبێلەکەیچشا ماڕایمۍ.
دماتەر سەروازەکۍ و فەرمانڎەکێشا ئاومۍ. فەرمانڎێۋە کە یەرۍ ھەسارۍ سەرو شانەیشۊ بێنۍ.
دماو ئانەی فەرمانڎەکە ۋنەش پەرسایمۍ و ۋاتش؛ تۊ ملی پێلا پارێزگاری، فەرمانڎە ئێشکگرەکۍ بەشەقو مستەکۊڵۍ دانیشا ۋنە.
ئاتاری ۋنەقۊمیا ۋاتش؛ ۋەختۍ پۊلېس ئاما پۍ یاگۍ ڕوۋەداکەی پۊلېسەکۍ ۋاتشا "ئېنە پەیۋەنڎیش بە ئێمۊ نېا".
ھ.ش
