جە ماوەو یەرە ڕۊی ویەرڎەینە سوپاو تورکی ئەرەگیری ٢ جارۍ بە چەکی قەڎەغەکریا، ٥ جارۍ بە تەیارەو جەنگی، ٣٤ جارێچ بە کاتیوشا، هاوەنۍ و تانکۍ سەنگەرەکاو مدرامانیشا بۊردومانۍ کەرڎۍ. جە ئەنجاموو وێپارێزنای گەریلاینە ٤ ئەرەگیرۍ سزا دریۍ.
ناوەندوو ئەرەیاونای و چاپەمەنیی هەپەگەی ئەرەیاوناش: "سەرباروو دۊخوو بێچالاکیی هێزەکاما، سوپاو تورکی ئەرەگیری درێژە بە هجوومەکاش مدۊ. ئی هجوومۍ کە فاشیزموو ئاکەپە-مەهەپەی پەی مەنەیۊ دەسەڵاتدارییشا درێژەش مدا پەنە، با بایسۍ ئانەی ئا ئەرەگیرۍ هجووم کەرا سەروو هێزەکاما سزا دریا. سەبەبی سەرەکیی ئانەی سەنگەرەکاو مدرامانیما ٢ جارۍ بە چەکی قەڎەغەکریا، ٥ جارۍ بە تەیارەو جەنگی و ٣٤ جارێچ بە کاتیوشا، هاوەنۍ و تانکۍ بۊردومانۍ کریێنۍ و ٤ ئەرەگیرۍ سزا دریێنۍ، فاشیزمۍ ئاکەپە-مەهەپەینێ".
هەپەگە بارەو هجوومەکاو سوپاو تورکی ئەرەگیریوە دژوو هێزەکاو گەریلای و مەیڎانەکاو مدرامانی ئی زانیاریێشە ئەرەیاونێ:
"هەرێموو زاپی؛
لە ٢٤وو ئایارینە سەعات ٠٤:٠٠ ئەرەگیرۍ ن هجوومشا کەرد سەروو سەنگەرەکاو مدرامانی جە سیدانە و پا بۊنەوە هێزەکاو یەژاستاریما بە مەبەسوو وێپاریزنای وەرپەرچشا دێوە.
لە ٢٤وو ئایارینە سەعات ١٦:٣٠ ئەرەگیرۍ هجوومشا کەرد سەروو سەنگەرەکاو مدرامانوو سیدای، هێزەکێما بە مەبەسوو وێپارێزنای بە تاکتیکوو سابۊتاژی وەرپەرچشا دێوە و جە ئەنجامنە ٣ ئەرەگیرۍ سزا دریۍ.
٢٤وو ئایارینە سەعات ١٩:٠٠ تا ٢٥وو ئایاری سەعات ٠٤:٣٠ ئەرەگیرۍ سەرەمڕ هجوومشا کەرد سەروو هێزەکاما، جە سەنگەرەکاو مدرامانوو سیداینە هێزەکێچما بە مەبەسوو وێپارێزنای جوابشا دێوە.
جە ٢٥وو ئایارینە سەعات ٠٦:١٥ ئەرەگیرۍ هجوومشا کەرد سەروو هێزەکاما جە مەیڎانوو مدرامانوو کەشوو ئێف ئێمینە، هێزەکێما بە مەبەسوو وێپارێزنای وەرپەرچشا دێوە و جە ئەنجامنە کامێرێوە حەرارییشا ماڕا.
جە ٢٥وو ئایارینە سەعات ١٠:١٥ ئەرەگیرۍ جارێوە تەر هجوومشا کەرد سەروو هێزەکاما جە مەیڎانوو مدرامانوو کەشوو ئێف ئێمینە، هێزەکێما بە مەبەسوو وێپارێزنای وەرپەرچشا دێوە و ئەرەگیرێوە سزا دریا.
لە ٢٤ و ٢٥وو ئایارینە ئەرەگیرۍ هجوومشا کەرد سەروو هێزەکاما جە مەیڎانوو مدرامانوو کەشوو ئێف ئێمینە و هێزەکێما پەی وێپارێزنای وەرپەرچشا دێوە.
هەرێموو خواکورکی؛
ئەرەگیرۍ ٢٦وو ئایارینە سەعات ١١:٥٠ جە کەشوو گەشمەرڎە شاهانینە، سەعات ١٨:٣٠ جە کەشوو گەشمەرڎە ئاخینینە هجوومشا کەرد، هێزەکێما بە مەبەسوو وێپارێزنای وەرپەرچشا دێوە.
هجوومەکاو سوپاو تورکی ئەرەگیری بە چەکی قەڎەغەکریا:
لە ٢٤ و ٢٥وو ئایارینە سەنگەرەکاو مدرامانیما جە کەشوو ئێف ئێمی و سیداینە دووۍ جارۍ بە چەکی قەڎەغەکریا بۊردومان کریۍ.
هجوومەکاو سوپای تورکی ئەرەگیری:
لە ٢٣ و ٢٦وو ئایارینە کەشەکاو گەشمەرڎە پڵنگی، هەکاری، ئامێدیی مەتینا و مەیڎانەکاو مدرامانوو کەشوو جودی جە زاپنە ٥ جارۍ بە تەیارەو جەنگی بۊردومانۍ کریۍ.
لە ٢٣ۍ ئایارینە سەنگەرەکاو مدرامانیما جە کەشەکاو گەشمەرڎە پڵنگی، هەکاری، ئامێدیی مەتینا، جودی، ئێف ئێم، وەهاری، هەرێمەکاو چەمچۊی و سیدای و زاپی ٣٤ جارۍ بە کاتیوشا، هاوەنۍ و تانکۍ بۊردومانۍ کریۍ.
سوپاو تورکی ئەرەگیری جە ٢٤، ٢٥ و ٢٦وو ئایارینە هجوومشا کەرد سەروو سەنگەرەکاما جە مەیڎانوو مدرامانوو کەشوو ئێف ئێمی و حەوڵیشا دۍ بە حەفارە و شۊفڵ سەنگەرەکا وڕنا".
س.ز
