پاکێجو ١٠ـەمینو دادوەری کە بە ئیمزا و ئاکەپەی پێشکەش و پەرلەمانی کریان و مەهەپەچ لاو وێشۆ پشتگیریش کەرد، سەوای جە گلێرۆبییە و گرڏی پەرلەمانو تورکیاینە هورسەنگنایش پەی کریۆنە .

پاکێچە دادوەرییەکە کە جە ٣١ـو ئایارینە پێشکەشو کۆمسیۆنو دادوەری پەرلەمانی کریا، جە گلێرۆبیە و پەرلەمانینە پارتە ئۆپۆزسیۆنەکێ ناڕەزایەتی وێسا دژ بە پاکێجەکەی بەربڕی.

لاو وێشۆ پارت و یەکسانی و دیموکراسی گەلا (دەم پارتی) پێشنیار و سەرەنج و وێش سەر و پاکێجەکەی بەربڕییەن، وە داواش کەردەبێ چەمەڕای و داواو گەلی جە پاکێجەکەنە یاگێش کریۆوە، سەرەڕا و بییە و ناڕەزایەتی پارتە ئۆپۆزسیۆنەکا و دەم پارتی پاکێجەکەش ڕەوانەو کۆمسیۆنو دادوەری پەرلەمانی کەرد و قەرارا سەوای هورسەنگنایش پەی کریۆنە.

یاگێ ئاماژەینە، جە پاکێجەکەنە هیچ فاڕییایێ سەر و یاساو جابەجێ کەردەی  پەیوەس بە مافو زینانیا سیاسی و نەوەشی نەکریان. هەرپاسە پەیوەس بە 'مافی هیوا' ی بە هیچ خاڵێوە یاسایی ئاماژەش پنە نەکریان. ئینەیچ پاسەش کەردەن پاکێجەکە جەئاست و چەمەڕای گلێرگەینە نەبۆنە پەیوەس بە پرۆسەو چارەسەریی پەی بنیادنیاو ئاشتی کۆمەڵایەتی.

جە بارەو پاکێجەکەی و یاساو جابەجێبکەردەیۆ پارێزنەر شوکرو ئاڵپسۆی واتش: "ئی فاڕییایە کە جە یاساو جابەجێ کەردەینە کریۆنە، مافو هیوای دیاری نەکریان پەی زینانیا هەمیشەیی. قەدەغەکەردە س ئازادکەردەی مەرجداریش بەردەواما. ئینەیچ ئانەی بەر وسۆنە  فاڕییای جە یاساو جابەجێ کەردەینە یەکسانانە نییا."