سەرەڕاو ئەرەیاوناو ئێربەستەی جەلایەنو پەکەکەیۆ، دۆڵەتو تورکی بەردەواما جە هرووژمەکاش پەی سەرو پانیشتوو کوردەسانی و شەوەی ویەردێ سوپاو تورک ی بە هێلیکۆپتەر هرووژمش کەرد سەرو سنوورو پارێزگاو دهۆکی.

کامەران عوسمان، ئەندامو تیمو کوردەسانی ڕێکوزیاوCPTـی ئەمریکی ئەرەیاوناش، سەعات ٠١:٠٤ دەقێ سەر سەعبو ئارۆی سوپاو تورکیای بە هێلیکۆپتەر هرووژمش کەرد سەرو کەش لینکی جە سنورو دێرەلووکی سەر بە ئامێدی جە پارێزگاو دهۆکی و گەریلێکێش جواب و هرووژمەکەیشا داوە.

ئاماژەش پانەیەدا، حیچ هاموڵاتییێ مەدەنی نەبییەن قوربانی، بەڵام بەمەڵامەتو نزیکی هرووژمەکەی دلێ دێرەلووکی، تەرسی و دڵەڕاوکێ دلێ هاموڵاتییا سنوورەکەی وەڵابییەنۆ.

ئانەیش وست ڕووە، ڕۆو ٢٧ـی شووباتیۆ کە ئێژا ئۆجالان داواکارییش پەی ئاشتی کەرد، ئینە ٨ جارا سوپاو  تورکیای هرووژم و بۆمبواران و هەرێمو کوردەسانی مکەرۆ.

یاگێ ئاماژەینە ئا هرووژمێ ئینێ کاتێنە کە دماو داواکارییەکەو ڕابەر ئاپۆی، هیزی پارتو کرێکارا کورەدسانی (پەکەکە) قەرارو ئێربەسیش ئەرەیاونا و هەرپاسە ئارۆیچ فەرماندەیی قەرارگەو مییانگەو پارێزناو گەلی (نەپەگە) بە قەرارەکەو پەکەکەی ئەکیدش کەردۆ و ئاماژەش پانەیەدا، جە وەراوەرو هرووژمە بەردەوامەکانە مافو وێپارێزنای ڕەوا بەکار مارمێنە."