تا ئا ۋەختەی گۊشەگیری دمایش مۍ جە ئێشکگیری وەرڎەوامۍ بیمۍ .
عومەر ئۊجالان، پەرلەمانتارو ھەدەپەی واتش ؛ تا ئا وەختەی گۊشەگیری سەرو ئیمڕاڵی دمایش پنە نۍ، وەربەرەو وەزارەتو داڎو ترکیەینە چالاکیەکێما وەرڎەوامۍ با.
عومەر ئۊجالان" پەرلەمانتارو مەنتیقەو ڕەحا و ھەدەپەی جە واچێوەنە پۍ ئاژانسەو ھەواڵی فورات(ANF)ی جە بارۊو چالاکی پەرلەمانتارا پارتەکەیشۊ جە وەر بەرەو وەزارەتو داڎو ترکیەینە جە دژو گۊشەگیری سەرو " ڕابەر ئاپۊ"ی ئەرەېاوناش ' حەفتۍ دوۍ کەرەتۍ داوا کاریما پۍ دیڎاری پێشکەش کەرڎەن، ۋەلۍ تا ئیسە وەزارەتو داڎی ۋەڵامو داواکێش نەڎێنمۍ .
عومەر ئۊجالان ئاماژەش پانەی کەرڎ جە ساڵەو (٢٠١٥) بە دمایۊ گۊشەگیری سەرو ئیمڕاڵی تنتەربیەن (٢١) مانگێچا ھیچ نۊعە زانیاریێۋە وەردەس نیاو دیڎار چنی "ڕابەرئاپۊ"ی ئەنجام نەڎریان . جە مانگەو حوزەیران و ساڵەو ٢٠٢٢ وە تا ئیسە فرەو ېاگاوە چالاکیۍ دیبلۊماسیێما ئەنجام دێنۍ جە دمایتەرین چالاکیمانە دژو گۊشەگیری، بڕیارو ھەدەپەی بۍ کە وەربەرەو وەزارەتو داڎو ترکیەینە ئێشکگیری داڎپەروەری ئەنجام بڎەیمۍ .
عومەر ئۊجالان واتش؛ تا ئا ۋەختەی گۊشەگیری دمایش مۍ و ئەنجامۍ دەس وسمۍ داواکاریە ڕەواو دیموکراتیەکیما قبوڵ کریا، چالاکیەکێما وەربەرەو وەزارەتو داڎینە وەردەوامیشا بۊ .
عومەر ئۊجالان باسش چانەی کەرڎ ئیسە جە ئیمڕاڵینە نە ېاسێکۍ ترکیەی نە ېاسا میان نەتەوەییەکۍ جێبەجۍ مەکریا ، تا ئا ۋەختەی ېاساکۍ جێبەجۍ نەکریا، ئێمەیچ جە تێکۊشای وەردەوامۍ بیمې .
عومەر ئۊجالان واتش؛ ھەم خانەواڎەو ھەمیچ پەرلەمانتارا ھەدەپەی بە وەردەوامی داواو دیڎاریشا پێشکەش کەرڎەن، ۋەلۍ تا ئی ۋەختە وەڵامو داواکاما نەڎرېانۊ، ئێمە نیگەرانێنمۍ جە ئاژەو تەندروستی ڕێزدار ئۊجالانی .
ھ.ئ
