تا ئیساتێ مەرەشنە دەس پەی هەزارا سەقف و پایەو بینا وڕیایەکاو بوومەلەرزەکەی نەبریان
تا ئیساتێ هەزارا سەقف و پایەو بینا وڕیایەکاو بوومەلەرزەکەو ناوەندوو مەرەشی دەسشا پەی نەبریان. تا مێ بووە جەنازاو چێروو بینا وڕیایەکا فرەتەرە بۆ.
تا ئساتێ هەزارا سەقف و پایەو بینا وڕیایەکاو بوومەلەرزەکەو مەرەشی، کە چەقوو بوومەلەرزەکەی بێ، دەسشا پەی نەبریان. بە پاو زانیارییەکایچ هەڵای ژمارێوە فرەو خەڵکی چێروو تەپایرەکەیۆ مەنێنێ.
فرەو جادەکانە هەرمانەو لابەردەی بینا تەپایرەکا درێژەش هەن، وەلێم تا ئیساتێ حیچ دەسوەرداێوە پەی لابەردەی سەقف و پایەو بینا وڕیایەکاو دلێ کۆڵانەکاو شاروو مەرەشی نەکریان.
جگە جە خوڵ و تۆزوو بینا وڕیایەکا، تا مێ بووێ کەسکوننە مەنتێقەکەنە وەڵا بۆوە و سەبەبەکەش ئانەن، کە ژمارێوە فرە جەنازێ ئینێ چێروو سەقفە وڕیایەکانە و بەرێ نامێنێ.
١٢٠ هەزار کەسێ مەردێنێ
بە پاو زانیارییەکا تەنیا ناوەندوو شاروو مەرەشینە، زیادتەر جە ١٢٠ هەزار کەسا کۆچشا کەردەن.
گەل بارەو ئا کەساوە، کە بوومەلەرزەکەنە مەردێنێ ژمارێ جیاوازێ جە ئامار و ژمارەکاو دەوڵەتی ماچا. ئەرەنیشتاو شارەکەی ئەرەیاوناشا، ئامار و ژمارە فەرمییەکێ ڕاسێ نییەنێ و ژمارەو ئا کەسا ناوەندوو مەرەشینە مەردێنێ نزیکەو ١٥ هەزار کەسانێ.
خەڵکوو شارەکەێ ئانەشا ئەرەیاونا، هەڵای جەنازێوە فرێ ئینێ چێروو یانە تەپایەکاوە. خەباتکارێوە ئافاد-یچ ئەرەیاوناش، مەزندە کەرا هەڵای نزیکەو ٢٠٠ جەنازا ئینێ چێروو سەقف و پایە وڕیایەکانە.
س.ز
