تەجەشە جە ڤیەننا چالاکی نافەرمانی مەڎەنیش ئەنجامدا
جۋانۍ جە ڤیەننا ئا ٢٩ کەسەشا ۋیرئارڎېوە کە جە دێرک گەشمەرڎۍ بیۍ و دماتەر جە جاڎېوە شلۊقەنە نافەرمانی مەڎەنیشا ئەنجامدا. جۋانۍ هامکارییەکۍ حکومەتوو نەمسایشا پۍ دەوڵەتوو تورکی شەرمەزار کەرڎۍ.
جە ڤیەنناو پایتەخت و نەمسای جمیەروو گەنجا شۆڕشگێڵنی (تەجەشە)ی پۍ یاڎکەردەیۊ ٢٩ ئەنداما هێزەکا ۋەرەنگاربیەیۊ ماڎەی هۆشبەری کە جە هجومېوە دەوڵەتوو تورکی پۍ سەروو دێرکی گەشمەرڎۍ بیۍ، مۆمېشا گیسنېنە.
دماو یاڎکەردەیۊکەی بە دروشمەکا "بژیۋۊ سەرۆک ئاپۆ" و" بژیۋۊ مدرامانوو ۋرنیشتی" جە نامیەتەرین و شلۊقتەرین جاڎەو ڤیەننای ستێفاپلاتزی تا سکودێنپلاتز ڕاپیمایشا کەرڎوو سەروو پردەو بەحروو دۆنیۊ ئاڵاو یەپەژەیشا هۊرواستە و دروشمەو "گەشمەرڎۍ مەمرا"شا واتۊ و دووکەڵی رەنگاورەنگشا وەش کەرڎ.
جۋانۍ پێشوازیشا جە هەڵمەتەو "ئازاڎیی پۍ ئۆجالانی، چارەسەری پۍ پەرسوو کورڎی"کەرڎ کە جە لایەن و دۆسا کورڎیۊ سەروو ئاستوو جەهانی دەسشپنە کریان، هاموەخت هجوومە کۊکوشیەکۍ دەوڵەتوو تورکیشا شەرمەزار کەرڎۍ.
چالاکوانۍ جە ئەرەیاۋنېوەنە کارڵ نهامەر راوێژکاروو نەمسایشا شەرمەزار کەرڎ کە سەروو بنەماو هامکاری و پەشتیوانی دیڎارش چنی سەرۆک کۆماروو قڕکەروو تورکی ئەنجامدابۍ.
