تەرمو جەنگەوانو هێزەکاو سوریای دیموکراتیک (قەسەدە)ی گەشمەرڎە شیار (ئەحمەد نەواف ئەل محمەد) کە جە ٣١و ئایاری جە ناوچەکا دێرەزۆرینە جە کاتو ئەرکەکاشەنە گەشمەرڎە بی، وە تەرمو ئەندامو هێزەکاو ئاسایشو دلېینەی مەحموود محمەد نوعمان کە جە ١و حوزەیرانینە جە هرووژمو چەتەکا داعشینە گەشمەرڎە بی جە قەبرسانو گەشمەرڎا تل تەمرینە جە سەرنیشتوو شارەکەی ئەسپەرڎە کریۍ.

جە مەراسیمەکەنە ئەندامو ئەنجوومەنو بنەیانەو گەشمەرڎا کەمپو سەرێکانی، بەشاری کۆشە قسێش کەردۍ و جە کەسایەتی هەردووە گەشمەرڎەینە گرڎو گەشمەرڎا ڕاو ڕزگاریش یاڎۍ ئاردێوە و واتش: "با دژمن فرە عال چانەی بیاوۆنە، داراو هێز و ئیرادێوەنمۍ کە متاومۍ گرڎو هرووژمەکاسا ماڕمېنە."

هەر جە مەراسیمەکەنە فەرماندەو ئەنجوومەنو سەروازی تل تەمری، فەرحان ئەمین قسێش کەردۍ و جە قسەکاشەنە ئەوەکۊشای قەسەدەیش پەی پارېزنای ئاسایشو هەرێمەکەی تەئکید کەردۆ.

دماو قسەکا بەڵگەنامەو گەشمەرڎا ۋنیاوە و ڕادەسو بنەیانەو گەشمەرڎا کریا، جە دما دماینە بە واتەیۆ دروشمۍ تەرمو هەردووە گەشمەرڎەی ئەسپەرڎە کریا.