دۆناڵد ترەمپ، سەرۆکو ئەمریکای ئەرەیاۋناش ئادۍ حیچ عیلاقێوەشا بە هرووژمەکا ئیسرائیلیوە پەی سەرو ئێرانی نییا و هەڕەشۍ ئانەیچش کەرڎ، ئەر ئێران بە هەر جۊرۍ هرووژم بکەرۆ سەرو ئەمریکای، ئانە بە گرڎو هێزیشاوە جواب مڎاوە.
دۆناڵد ترەمپ، سەرۆکو ئەمریکای سەبارەت بە ئەگەرو هرووژمکەردەی سەرو بەرژوەندییەكاشا جە لایەنو ئێرانیوە جە پەڕەی تایبەتی ۋێشەنە جە پەلیانەو ترووس سۆشیاڵینە پی جۆرە ئەرەیاۋناش.
دۆناڵد ترەمپ وەڵاش کەرڎۆ، ئەر ئێران بە هەر مەڵامەتێوە گەرەکش بۆ هرووژم بکەرۆ سەرو بەرژەوەندییەكا ئەمریکای بە گرڎو هێزیشاوە جوابشا مڎاوە.
واتیچش: ئێمە متاومۍ بە ئاسانیی ڕێککۊتەی بەینو ئیسرائیلی و ئێرانی ئەنجام بڎەیمۍ. ئەمریکا حیچ عیلاقێوەش بە هرووژمەکا ئیسرائیلی پەی سەرو ئێرانی نییا.
ئانەیچ جە کاتێنە، ڕۆو ١٣و ئی مانگۍ ئیسرائیل جە ڕاو دەیان مووشەکا و فڕۆکەی جەنگییوە هرووژمش کەرڎ سەرو ئێرانی، پێگە سەروازی و ئەتۆمییەکێش جە سەرانسەرو ئێرانینە کەردۍ ئامانج و جە ئاکامەنە زیاڎ جە ١٠ ۋەرپەرسا پلە باڵاو ئەمنی و سەروازیی و زانۍ ئەتۆمیۍ ئا وڵاتەیە کوشیۍ.
یاگۍ ئاماژەیەنە، جە جوابو هرووژمەکا ئیسرائیلینە سوپاو پاسدارا جە ڕاو زنجیرێوە هرووژمی مووشەکیۆ دەیان شۊنێش جە ئیسرائیلەنە کەردۍ ئامانج و جەنگەکە بەردەوامیش هەن.
