هامسەرۆکۊو گرڎی دەم پارتی تولای حاتەم ئۆغۆللاریە جە قسەکاشەنە جە کارەوانو ١ و ئایارو کادیکۆ، تیشکی خستەسەر ڕەنج و ئاشتی و دادپەروەری.

تولای حاتەم ئۆغۆللاریە باسو ئا فەقیریە گۊرەیشە کەرڎ کە بەرۆکو گلېرگەیس گێرتەن، ئەرەیاۋناش مشۊم سڵامەتی هەرمانۍ بێتەدی و مەردەی کرێکارا دمایش بۍ.

تولای حاتەم ئۆغۆللاریە ئەرەیاۋناش چارەسەری پرسو کوردی هامکارا پەی ئەوەکۊشای هەرمانۍ، واتش: "ئەر بتاومۍ گلېرگێوە دیموکراتیک بە ڕێکوستەی بکەرمۍ، چارەسەری دیموکراتیک و ئاشتییانەو پرسو کوردی مۍ دی، ئینەیچ ڕا پەی ئەوەکۊشای هەرمانۍ مکەرۆوە".

هەرپاسە جەختش کەرڎۆ دژو سیستەمو سەرمایەداری و ڕژێمو دەسەڵاتوازی، متاویۆ ئەوەکۊشای هەرمانۍ و ئەوەکۊشای مافی و دادپەروەری سەرو بناغەی هېقمتەری ڕاوەبەر بکریۆ، پەی وەڵېکۊتەی پرۆسەکەی مشۊم گۆشەگیری سەرو ڕابەر ئاپۆی هۊرگیریۆ.