هامسەرۆکۊو گرڎیی دەم پارتی تولای حاتەم ئۆغوللاریە جە گلېرۊبیەو گروپو پارتەکەیشەنە جە پەرلەمانەنە قسێش کەردۍ و ڕۆژڤەکێش هۊرسەنگنۍ و داواش کەرڎ تەرمو هۊنیەر نازم حیکمەتی بێوە پەی تورکیای.

تولای حاتەم ئۆغوللاریە سەرنجش وست سەرو پشێوی و پێشئامایەکا ۋەرکۊتوو مېیامینی و واتش: "چی دماییانە یەرۍ خاڵۍ بنەڕەتیۍ جە ۋەرکۊتوو مېیامینینە ئامېنۍ ئاراوە؛ ئاڎێچ کاریگەری زلهێزە جەهانییەکا جە هەرێمەکەنە، ناکۆکی هێزە هەرێمییەکا و قەیرانەو گوزارشتکەردەی جە گەلی و گرنگی نەڎای بە داواکا گەلی. جە چارەسەرو چڼین پرسۍ پشێویۍ هەرێمینە جیۆپۆلۆتیکو کوردا دەورێوە کاریگەرش هەن، بەرەو ڕزگاربیەین جە ئاڵۆزییەکا ۋەرکۊتوو مېیامینی. ئانۍ ئی دەروازەیە پەشتگۊش وزا مەحکومېنۍ بە دلېنەشیەی. هەرپۊکەی ئینەیچ جە ئاستو تورکیا، سووریا، عێراق، ئێرانی و تەمامو هەرێمەکەینە گرنگی واقیعو کوردی بە شێوێوە تاریخی جارێوەتەر وزۆ وەردەمما."

'پەنەواز کریۆنە تورکیا سەردانو وەرنیشتی بکەرۆ'

تولای حاتەم ئۆغوللاریە جە بەردەوامیینە سەرنجش وست سەر و ڕۆڵ و کاریگەری پێگەو تورکیای جە هەرێمەکەنە  و واتش: "بارودۆخو جیۆستراتیژی و ویەردە و تاریخو تورکیای، دەورو وڵاتەکەیش یاونان ئاستێوە گرنگ و کاریگەرتەر. گرنگ و پەنەوازا چی سەولای تورکیا پێسە و  سەرمەشق و نێوەندگیرێوە دەور و وێش جە بەردەی وەڵێ و ئاشتی و چارەسەرکەردە و کێشەکانە جە ناوچەکەنە وینۆنە. ناوچەکە پەنەوازیش پانەی هەن. ئی هەنگامێ هەم ئیسفادەش پەی خەڵکو تورکیای بۆنە، هەم پاڵپەشتێوە و گۆرە و ئاشتین ناوچەکەنە. ئێمە بە دڵ و گیان بڕواما پینەی هەن. پەی نموونەی؛ تورکیا تاوۆنە سەردانو سەرنیشتوو وەرکەتوو سوریای بکەرۆ و پەرە بە پەیوەندییەکا بەینو هەردوولای دۆنە."

'ئا پەرسە تەنیا پەی ئاشتیی دلېینە و تورکیای نییا'

جە دماینە تولای حاتەم ئۆغوللاریە سەرنجش وست سەر و پرۆسەو چارەسەریی ئاشتی و واتش: "ئی پێگە هامکارێوە خاسا پەی بەردەی و وەڵی پرۆسەو ئاشتی. ئی هەنگامێ تەنیا پەی ئاشتی بەینو کورد و تورکی نییا، تەنیا پەی ئاشتی نییا دلێ  تورکیاینە. ئێمە جارێوەتەر واوەیش مکەرمێوە؛ بەگرنگ تەماشەو ئی پەرسێ مکەرمێ و هەمیشە جەختش چنە مکەرمێوە. ئێمە جارێوەتەر بانگەواز مکەرمێ؛ بەیدێ پێوەرە ئاشتی بەدی باردێنە. جەهەمان کاتەنر ئاشتی ناوچەکەیچ پێوەرە بەدی بارمێنە. بەیدێ با تورکیایێ دیموکراسی و کۆمارێوە دیموکراسی پێوەرە بەدی بارمێنە."