جوانۍ بۊنەو ٧٦ ەمین ساڵیاڎو جە ئەڎابیەو ڕابەر ئاپۆی جە ئامەدۆ بەرەو ئامارا ڕاپیمایشا کەرڎ و یاوۍ سێورەگ. گەل بە بەرزکەردەیۆ هوتافەو "بژیۋۆ سەرۆک ئاپۆ"ی پێشوازیشا جە ڕاپیماییکەرا کەرڎ.
ئەنجوومەنو جوانا پارتو یەکسانی و دیموکراسیی گەلا (دەم پارتی) بۊنەو ٧٦ ەمین ساڵیاڎو جە ئەڎابیەو ڕابەر ئاپۆی جە ئامەدۆ بەرەو دەگاو ئامارای ناوچەو خەلفەتی ڕحای ڕاپیمایشا کەرد. ڕاپیماو جوانا یاوا سێورەگ/تەپو سووری ڕحای.
"ڕۆوجەئەڎابیەیت پیرۆز سەرۆک ئاپۆ"
گەل جە گەڕەکەو یوکاریادیبەکی ناوچەو ڕێزانو ئامەدی کوۍ بیێوە و بەرەو ڕحا دەسشا بە ڕاپیمای کەرڎ. لافیتۍ "ژەنا و جوانۍ شۊنکۊتۍ ڕابەر ئاپۆینۍ" و "ڕۆو جە ئەڎابیەیش، ڕۊو ژیۋایۆ گەلوو کوردین" هۊرگیریۍ و سەرەمڕە هوتافەکۍ "ڕۊو جە ئەڎابیەیت پیرۆز سەرۆک ئاپۆ" و "جوانۍ فیدایۍ ڕابەر ئاپۆینۍ" و "ژەنی ژیۋای ئازادی، ئازاڎ بکەرە ڕابەرایەتی" بەرزۍ کریێوە.
جەماوەر جە پارکو مېیانینە کوۍ بیێوە و بە هوتافەو "بژیۋۆ سەرۆک ئاپۆ"ی پێشوازیشا جە جەنگەوانا کەرڎ.
دماتەر بە هوتافەکا "ڕۆو بیەیت پیرۆز سەرۆک ئاپۆ"ی و "بێ سەرۆکی ژیۋای نمەبۆ" و "ژەنی ژیۋای ئازادی" و "بژیۋۆ سەرۆک ئاپۆ"ی ڕاپیمایشا کەرڎ. ڕۊو یووەم و ڕاپیماکەی بە هوتافەو "سڵام سڵام، هەزار سڵام جە ئیمراڵی" و فڕنای کاوەترا، دمایش پنە ئاما.
