دۊڵەتو ئێرانی ورمێنە کوردێوەش کوشت
ئەرەیاۋېیا هێزەکۍ دۊڵەتو ئێرانی جە ناوچەو ورمێ ۋەرکۊتوو کوردەسانینە هاموڵاتیێوە کوردش بە نامۍ محەمەد حسێن زادەی کوشتەن.
جەمەو مافەکا مرۆڤو کوردەسانی وەڵاش کەرڎۆ، هاموڵاتیێوە کوردو خەڵکو ورمێ بە تەقەی ڕاسەوخۆو هێزە چەکڎارەکا ئێرانی کوشیا، ماچا هێزەکۍ بەبێ ئاگاڎیی وەڵێوەختەی تەقەشا جە ترۊمبێل و ئا هاموڵاتییە کەرڎەن.
جەمەو مافەکا مرۆڤو کوردەسانی ماچۆ: "ڕۆو شەمەی ۋېیەردەی هاموڵاتیێوە کورد بە نامۍ محەمەد حسێن زادەی خەڵکو دەگاو قشڵاقی تەرزیلووی سەر بە شارو ورمێ بە تەقەو ڕاسەوخۆو هێزە چەکڎارەکا ئێرانی کوشیان."
ئاماژەیچش پانەی کەرڎەن هێزەکۍ دۊڵەتو ئێرانی بەبێ ئاگاڎیی وەڵێوەختەی و بە گومانەو "هۊرگېرتەی کەلوپەلی قاچاخ"ی تەقەشا جە ترۊمبېلوو ئا هاموڵاتییە کەردەن و کریان ئامانج.
