بە پاو ئا ئامارێوە ڕۆژنیوزی کە وەڵاش کەردێنۆ، جە مانگەو ئادارو ئێساڵینە جە شارە جیاجیاکا پانیشتوو کوردەسانینە ژەنێوە کوشیێنە و دووێ ژەنێ تەرێچ بە شێوێ گوماناویی گیانشا جەدەسدان.
جە ئامارەکانە ڕێژەو گیان جەدەسداو ژەنا جە مانگەو ئادارینە جە شارە جیاوازەکا پانیشتوو کوردەسانینە وەڵاکریانۆ و دلێشەنە بە دڕندەترین شێوە کوشیاو ژەنێ بەروسیان کە بە دەس و پا بەسیێنۆ وسیێنە زێی گۆرە.
جە ئامارەکەنە ئامان:
- جە ٤ـو ئادارینە جە سنوورو ئیدارەو سۆرانینە مامۆستێوە بە نامێ ئاوات محەمەد کەریمی خەڵکو دەڤەرو برادۆسی و ئەرەنیشتەو شارۆچکەو چۆمانی دماو چوار ڕوا مەنەیۆ جە خەسەخانەنە بە مەڵامەتو فرەو ڕێژەو سۆتەیش گیانش جەدەسدان.
- جە ١٣ـو ئاداردارینە سەعات ١١:٠٠دا جە زێو گۆرەو سەر بە دەگاو زەنگلی جە سنوورو ئاکرێ تەرمو ژەنێوە ئێزیاوە كە تەلى ئاسن جە قاچ و ملو ژەنەکێ پێچیان و پنەش خنکیێنە و دماتەر وسیێنە زێى گۆرە.
- جە ١٧ـو ئادارینە جە خەسەخانەو شارو هەولێری ژەنێوە تەمەن ٥٢ ساڵە و ئەرەنیشتێ ڕانیەی کە بوتڵو غازی یانەکەشەنە تەقاوە جە دماو چوار ڕوا مەنەیشۆ نەوەشخانەنە بە مەڵامەتو سەختی زامەکەیش گیانش جەدەسدان.
ئامارەو مانگەکا کانوونو دووەمی و شوباتی
حەر جە ئامارەکێنە سەرنج وسیان سەرو ئامارەو کوشیای ژەنا جە مانگەو کانوونو دووەمی و شوباتی و ئینە ئامان: "جە مانگەکا شوباتو ئێساڵی جە شارەکا سنوورو سلێمانی و هەولێری یەرێ ژەنێ کوشیێنێ، هەرپاسە ژەنێوەش بە شێوێ گوماناوی گیانش جەدەسدان. جە مانگە وکانوونو دووەمو ئێساڵی جە سنوورو سلێمانی و پێنجوێنی و هەولێری یەرێ ژەنێ کوشیێنێ، هەرپاسە دووێ ژەنێ تەرێچ بە شێوێ گوماناوی گیانشا جەدەسدا."
