دیدارو شاندو دەم پارتی چنی ڕابەر ئاپۆی ئیمرالینە دمایش ئاما
دیدارو شاندو ئیمراڵی پارتو دیموکراسی و یەکسانی گەلا کە چنی ڕابەر ئاپۆی دووې سەعاتې و نیمش خواینا، دمایش ئاما.
وەڵې نیمەڕۊو ئارۆی، شاندو ئیمرالی پارتو دیموکراسیی و یەکسانیی گەلا (دەم پارتی) کە جە پەروین بوڵدانې، مەدحەت سانجاری و فایەق ئۆزگور ئەرۆلی پێک ئې، بە مەبەسو ئەنجامدای دیداری چنی ڕابەر ئاپۆی سەرشا ۋنەو دوورگەو ئیمرالی دا.
کەمێ چێوەڵی، شاندەکە کە ماوەو دیدارەکەیشا چنی ڕابەر ئاپۆی دووې سەعاتې و نیمش خواینا، جە دوورگەو ئیمراڵی گېڵاوە.
پاسە باس مەکریۆ، کە شاندەکە جە سەعاتەکا دماتەرینە ئەرەیاۋنێوە نویسیا وەڵا بکەرۆوە.
بەپاو زانیارییەکا ڕابەر ئاپۆ ئەرەیاۋنێوە تاریخی وەڵا مکەرۆوە و دماتەر شاندو ئیمرالی دەم پارتی چنی ڕەجەب تەیب ئەردۆغانی، سەرۆککۆمارو تورکیای گلېر بۆوە، هەرپاسە جە لېوەتەرۆ جە چوارچێوەو بانگەوازییەکەو ڕابەر ئاپۆینە، گرووپێوە جە گەریلاکا ئازادیی جە مەراسیمێوە سیمبولیکەنە چەکەکاشا دلېنە بەرا.
هەریۆ جە ئەنداما شاندو ئیمرالی “پەروین بوڵدانە و فایەق ئۆزگور ئەرۆل” وەڵتەر جە ١٨ـو ئایارینە سەرشا ۋنەو دوورگەو ئیمرالی دابې و دیدارشا ئەنجام دا، ڕابەر ئاپۆ جە دیدارەکەنە ئاماژەش پانەی دابې، پەنەوازش بە پەیمانێوە کۆمەڵایەتی تازەی هەن.
جە کاتو دەسپنەکەردەی گفتوگۆینە سەرو چارەسەری پرسو کوردی تا ئیساتې، شاندو ئیمرالی دەم پارتی شش جارې سەرشا ۋنەو دوورگەو ئیمرالی دان و چنی ڕابەر ئاپۆی دیدارشا کەردەن.
