پلاتفۆڕمەکە بە ئامانجی ناساندنی ئەو کۆمەڵەکوژییانەی لە ڕابردوودا ڕوویانداوە و تێکۆشان لە دژی پاکتاوی ئەتنیکی و کۆمەڵکووژییەکانی ئێستا دامەزرێندراوە.

پلاتفۆڕمەکە ڕاگەیاندراوێکی دا و لە ڕاگەیاندراوەکەیدا ئاماژەی بەوەدا لە مێژووی مرۆڤایەتییدا چەندین کۆمەڵکووژی ئەنجام دراون، بەڵام خەڵکی لە بەرانبەر ئەم کۆمەڵکووژیە دڕندانەدا بێدەنگییان هەڵبژاردووە و دژی نەوەستاونەتەوە.

هەروەها لە ڕاگەیاندراوەکەدا گوزراشت لەوەکراوە، کۆمەڵکووژییەکان بە تەنها لەسەر نەتەوە یان ناسنمایەکی دیاری کراو نییە، هاوکات هێرشەکان لە دژی ویژدانی هاوبەش و ئایندەی مرۆڤایەتییە و ئەمە گوتراوە: "ئەم سیستەمە بە سزانەگەیاندنی فایلی تاوانباران، وە خەڵاتکردنی بکووژان و شاردنەوەیی ڕاستییەکان هەوڵ دەدات درێژە بە هەبوونی خۆی بدات. بەڵام ئێمە بۆ بەرفراوانکردنی تێکۆشان لێرەین."

نابێت کۆمەڵکووژیەکانی ڕابردوو هەڵبپەسرێن                  

پلاتفۆرمەکە جەختی لەوە کردەوە کە ڕوبەڕوبوونەوەی لەگەڵ ئەو کۆمەڵکوژییانە، بەتایبەتی کۆمەڵکوژی ئەرمەنەکانی ساڵی ١٩١٥، پۆنتۆس، کۆچگیری، کۆمەڵکوژی دێرسیم لە ساڵی١٩٣٧-١٩٣٨، کۆمەڵکوژی ڕۆمانیەکان لە ساڵی ١٩٥٦، مەرعەش، ڕۆبۆسکی، کۆمەڵکوژییەکانی نێو زیندانەکان لە ١٩ی کانوونی دووەم، هەروەها کۆمەڵکوژی عەلەوییەکان لە سووریا و غەززە، نابێت دوابخرێت.

هەروەها پلاتفۆرمەکە داوای لە کۆمەڵگەی نێونەتەوەیی کردووە دەستبەجێ هەنگاو بنێت بۆ دانپێدانانی کۆمەڵکوژییەکان، دادگاییکردنی بەرپرسیاری ڕووداوەکان، بەکار هێنانی ڕێکاری پێویست لە دژی هەوڵە کۆمەڵکوژییەکان، هەروەها ڕایگەیاندووە؛ بێدەنگی بە واتای هاوبەشبوونە لە تاوانەکاندا.

بانگەوازی پشتگیری و تێکۆشان

پلاتفۆرمی تێکۆشان لە دژی کۆمەڵکووژییەکان، بۆ پشتیوانی و تێکۆشان، بانگەوازی لە ڕای گشتی نێونەتەوەیی، ڕێکخراوەکانی مافی مرۆڤ کرد و پەیامی "وەرن پێکەوە لە بەرانبەر ئەو کەسانەی کە دەیانەوێت لە یەکمان جیابکەنەوە تێکۆشان بکەین"ی دا.

چەندین دامەزراوەی وەک کۆمەڵەی دژی کۆمەڵکووژی دێرسیم ٣٨، دی لینک، سەیەکەپە، کۆنگرەی بونیاتنانی دێرسیم (دیک)، فیدراسیۆنی کرێکارانی پەنابەرانی ئەڵمانیا (AGIF) ناوەندی کۆمەڵگەی کوردی دیموکراتیکی شوتگارت، ناوەندی عەلەوییەکانی شوتگارت و ناوەندی کەلتووری دیموکراتیک (ADHF) لە ناو پێکهاتەکانی پلاتفۆرمەکەدا جێ دەگرن.