مارین لۆپێن سیاسەتکردنی لێ قەدەغە کرا
مارین لۆپێن سەرۆکی یەکێتی نەتەوەیی (RN) بە تۆمەتی خراپ بەکارهێنانی پارەی پەرلەمانی ئەورووپا دادگایی کرا و سزای ٥ ساڵ دوور خستنەوەی لە سیاسەت و ٤ساڵ زیندانی بەسەردا سەپێندرا.
مارین لۆپێن، سیاسەتمەداری ڕاستڕەوی توندڕەوی فەرەنسی، سزای ٥ ساڵ زیندانی و قەدەغەکردنی چالاکیی سیاسی بۆ ماوەی ٤ساڵ بەسەردا سەپێندرا. هەروەها ٨ پەرلەمانتاری پارتەکەی به تاوانی به کارهێنانی سامانی گشتی له لایەن دادگای پاریسەوە به تاوانبار ناسێندرا.
جێی ئاماژەیە دادگا بڕیاریدا کە RN پەرلەمانی ئەورووپای وەک "سەرچاوەیەکی دارایی" لە ساڵانی ٢٠٠٤بۆ ٢٠١٦بەکارهێناوە و پارتەکەی بە بڕی ٢ ملیۆن یۆرۆ غەرامە کردووە.
دوای بڕیارەکە، جۆردن باردێلا سەرۆکی RN ڕایگەیاند: ئەم بڕیارە نەک تەنها مارین لۆپێن دەکاتە ئامانج، بەڵکو ڕاستەوخۆ دیموکراسی فەرەنساش دەکاتە ئامانج.
لۆپێن وەک بەهێزترین کاندید بۆ هەڵبژاردنەکانی ٢٠٢٧ دەبینرا و دوای ئەم بڕیارە داهاتووی ڕاستڕەوی توندڕەو دەکەوێتە ناڕوونیەوە.
