کۆردیناسیۆنو پاژکی پېوەس بە ٤و نیسانی ڕۊبیەو ڕابەر ئاپۆی پەیامێوە مبارەک بایش وەڵا کەڕڎۆ و چنەشەنە جەختش سەرو سەوزکەردەی ژیۋگەی و سرووشتی و ژیۋنایۆ ژیۋگەو گلېرگەی بە ئازادی بەڎەنی ڕابەر ئاپۆی کەردۆ.

پاژک جە ئەرەیاۋناکەیشەنە ماچۆ: "٧٦ ساڵەو ڕۊبیەو ڕابەر ئاپۆی پیرۆز مکەرمۍ کە پەی ژەنا و گەلا بیەن بە مزانی. ٤و نیسانی جە ژەنا و گرڎو ئا کەسا پیرۆز مکەرمۍ کە سڵام چی ڕووەیە مکەرا. ٤و نیسانی جە زاوڵا پیرۆز مکەرمۍ کە ئینۍ جۊش و پاکبیەیۊ ژیواینە، بە خەندە و دڵی پاکیشاوە وەشەسیایی گۊرەتەر مکەرا. ٤و نیسانی کە بە جەژنەو زاوڵا، بە نیای نەماما و فیستیڤاڵی پێرۆز مکریۆ، هامکات پەیمانمانە بە زاوڵا. قەولمانە کە ژیۋایشا پارېزنمۍ و ژیوگێوە گەششا پەی ڕەخسنمۍ."

جە ئەرەیاۋناکەینە ئامان: "جە کەسایەتی مەحسوم کارائۆغلانی و مسەفا داغدا کە جە ساڵۊو ٢٠٠٩ینە جە هرووژمو دەسەڵاتداری ئاکەپەینە سەرو پیرۆزباییەکا ٤و نیسانی گەشمەرڎۍ بیۍ، گرڎو گەشمەرڎا دیموکراسی یاڎۍ مکەرمېوە."

جە بەردەوامی ئەرەیاۋناکەینە ئامان: "٤و نیسانی پەی ژەنا، گەلا و مرۆڤایەتی جە ئەڎابیەیۆین. ڕابەر ئاپۆ ئەوەکۊشای و کارەکتەرو ئشناسنامەو سۆسیالیستیش پېسە ئەوەکۊشای ئازادی ژەنۍ دیاری کەرد. چنی شۆڕشو ژەنا کە پېوەس پانەی واچۍ، 'نەوینیاتەرین هەرمانەمەنە' پېسە هێزی سەرەکی ئەوەکۊشای کۆمەڵایەتی نزیکو ژەنۍ بیۆ. ئەوەکۊشای ئازادی ژەنێش کەرڎ بە بنەماو هەرمانکەردەی و فکرەکاش، پی جۆرە هەنگامېوە تاریخیەی تازێش خوڵقنا. ئەرەیاۋنای ئایدۆلۆژیاو ڕزگاری ژەنۍ جە لایەنو ڕابەر ئاپۆیۆ، شێوەگیرو ژەنی، ژیۋای، ئازادی و هەنگامەو ژنۆلۆژییوە پاسشە کەرڎ تاریخو کۆڵۆنیالیی پیاسالاری ڕۊشن بکەرۆوە و جە بنەڕەتۆ ئاوەزیەتو پیاسالاریش لەرناوە. ئەوەکۊشای ئازادی ژەنێش جە ڕوو تیۆری و پراکتیکیوە بەرەو وەڵۍ بەرد. بە شۆڕشو ژەنێوە شارستانیەتو پەنج هەزار ساڵەیش سەرەو چېر کەرڎ، کە بە مۆرەو پیایا نەخشیا بۍ. پارادایمو ئی شۆڕشەیشە دیاری کەرد و مزانی سەردەمو ژەنێش دا. پۊکەی ڕۆوبیەو ڕابەر ئاپۆی ڕۊوبیەو ئازادی ژەنامانە.

ڕابەر ئاپۆ هەر جە تەمەنی زاوڵەییۆ ناڕێکی، ناکۆکی و گرفتەکۍ گلېرگەیش درک پنەکەردۍ و پیمەرە سەرەتاییەکېش ڕەڎۍ کەردێوە دیاریۍ کەردۍ. هەست و هۆشش دا بە جەهانو پاکی زاوڵەیی ۋێش و بی بە دەنگو ویژدانێوە بێدەنگ نەبی. سەرو ڕێچکەو گومانە زەریفەکاش، ئاکارو کۆمەڵایتییەکاش پېسە دیموکراسی، ئازادی و یەکسانیش پارېزنا. بە ئەرەیاۋنای پەکەکەی ئاشکراکەردەی کوردایەتی کە نامە ئاردەیچش جە لایەنو دەوڵەت نەتەوەیی تورکیوە قەدەغە کریابۍ، وە گلېرگە بێ زۋان کریابۍ، هەرپاسە قەرارو ئەوەکۊشایش پەی دابۍ، بیەو ئازادی گەلوو کوردیش ڕەخسنا. پېسە ژیۋایۆ گەلوو کوردی، سەرجەنۆ جە ئەڎابیەیشۆ پێکئارڎ. هەرپۊکەی ٤و نیسانی ڕۊبیەو گەلوو کوردی.

بە نوێنەرو هێڵۊو سۆسیالیزمی دیموکراتیکی، بە تەمامی وەرگریش جە جەهانی ئازادی کەرد  جە دژو کۆڵۆنیالیزمی کاپیتاڵیزمی. پەی گرڎو هێزە دژبەرەکا سیستەمو سەرمایەداری و هێزەکاو مۆدێرنێتەیی سەرمایەداری کە ماچا 'خوڵقنای جەهانێوە تازەی ئیمکانا' بی بە سەرچەمەو ئیسفاڎە چنە هۊرگېرتەی. ئەرەمەرزنای شارەوانی دیموکراتیک بە پارادایمو ئازادیوازی ژەنۍ، دیموکراتیکو ئیکۆلۆژیش خوڵقنا و پی جۊرە بیەی یەرەمو کۆمەڵایەتیش پێکئاورد. هەرمانکەردەی ئی ئاستەو گەلی و تاریخی جە کەسایەتی ئینسانێنە بی بە ئشناسنامەو ڕۊشنو ڕابەر ئاپۆی. قوربانی دای دژمردایۆ ڕابەر ئاپۆی جە دژو هیزەکاو پیلانگێڵنی و پیاسالاری، دیلکەردەیش بۍ جە ئیمراڵینە. ئی دیلکەردەیە زینانیکەردەی گرڎیمانە. ئازاڎیی بەڎەنی ڕابەر ئاپۆی ئازاڎیی گرڎیمانە.

هامشێوەو گرڎ ساڵێوە، ساڵۊو ئێساڵیچ بە نیای نەمامۍ تازەی خاک و ژیۋگەیما سەوزکەرمۍ و ژیۋگەیی کۆمەڵایەتییما بە ئازادی بەڎەنی ڕابەر ئاپۆی ژیۋنمێوە. چارەسەرو پرسەکا کوردی و دیموکراتیزەکەردەی تورکیای سەرو بناغەو ئازادی بەڎەنی ڕابەر ئاپۆی، بانگەواز و هەڵوێسو پێشوازیکەردەیمانە جە ٤و نیسانی. سڵام جە راپیماو ئامارایی ژەنا و جوانا مکەرمۍ کە سەرمەشقایەتی چی پرۆسەیە مکەرا و داوا مکەرمۍ بە ڕوحو ٨و ئاداری و نەورۆزیوە بەشدارۍ ئی ڕاپیمایە بیدۍ."