لە پیرۆزبایی جەژندا لە ئەنقەرە هاوسەرۆکی گشتی دەم پارتی تولای حاتەم ئۆغوللاری دوای پیرۆزکردنی جەژن، سەرنجی خستەسەر بڕیاردارییەکانی ڕێبەر ئاپۆ لەسەر کۆمەڵگەی دیموکراتیک و گوتی: " دەبێت هەموو بۆ بونیاندنانی ئاشتی، هەوڵ و ئەرکی زیاتر لە ئەستۆ بگرێت."

لە بەردەوامییدا تولالی جەختی لەوەکردەوە بانگەوازی 'ئاشتی و کۆمەڵگەی دیموکراتیک'ی ٢٧ی شوباتی ڕێبەر ئاپۆ بۆ چارەسەرکردنی پرسی کوردە بە ڕیگەچارەی ئاشتیانە و گوتی: "بەڕێز ئۆجالان ئەوەی بۆ دیاری کردین، ناچارین بە ئاشتی قایل بین و ڕێگەچارە هەر ئاشتییە، بەڵام تاوەکو ئێستا ئەو هەنگاوانەی چاوەڕوان دەکرا، لە لایەن دەوڵەتەوە نەنراوە."

تولایی جەختی لە گرنگی سیستەمی دیموکراتیک کردەوە و ئەمەی گوت: "ئەو شتەیی گەرەنتی ئاشتییەکی هەمیشەییە، گۆڕانی دیموکراتیکانەی کۆمەڵگەیە. لەگەڵ ئەم گۆڕانەشدا یاسا و ماف پێویستی بە خۆڕێکخستنەوەی کۆمەڵاتی هەیە."

هاوسەرۆکی گشتی پارتی یەکسانی و دیموکراسی گەلان (دەم پارتی) تولای حاتەم ئۆغوللاری دەستنیشانی کرد تێکۆشانی دیموکراسی گەیشتووە بە ئاستێکی کاریگەر و سەرنجی خستەسەر گرنگی مۆراڵی گەنجان و پیرۆزباییەکانی نەورۆز لە هێنانەئارای گۆڕانکاری و بەرەپێشچوونی پرۆسەکەدا.

ئیزمیر

لە ڕێکخستنی ئیزمیری دەم پارتییدا لە پێرۆزبایی جەژندا پەرلەمانتار بوورجووگوڵ چووبووک قسەی کرد و ئاماژەی بەوەدا هەر کاتێک زیندانیانی سیاسی و نەخۆش ئازاد کران، ئەوا ئەو کاتە جەژن بە بەهێزتر پیرۆز دەکرێت. هەر لە پیرۆزبایەکەدا ئیبراهیم ئاکن ئاماژەی بەوەدا بانگەوازەکەی ڕێبەر ئاپۆ هیوای بە گەل دا و بۆ مەزنکردنی ئەم هیوایە دەبێت تێکۆشانی بە هێز بکەین.

وان

هاوسەرۆکی دەم پارتی وان وەیسی دیلەکچی لە پیرۆزبایی جەژندا لە وان قسەی کرد و ئاماژەی بە گرنگی خاوەندارێتی کردن لە بانگەوازەکەی ڕێبەر ئاپۆ کرد. دواتر لە پیرۆزبایەکەدا هاوسەرۆکی شارەوانی وان نازڵیهان شەدال سەنجی خستەسەر گرنگی ٤ی نیسان ڕۆژی لە دایک بوونی ڕێبەر ئاپۆ و ئاماژەی بەوەدا لە هەڵبژاردنی ٣١ی ئاداردا گەل ئیرادەی خۆی نیشان دا و گوتی ٤ی نیسانی بۆ گەلی کورد ڕۆژێکی زۆر گرنگە.