عەلی خامنەیی، ڕابەری شۆڕشی ئیسلامی ئێران لە وەڵامی هەڕەشەکانی دۆناڵد ترەمپ، سەرۆکی ئەمریکا کە وتبووی؛ "ئەگەر ڕێککەوتنی ئەتۆمی هەڵوەشێتەوە، ئێران بۆردوومان دەکەن"، وتی: "گورزێکی بەهێزیان بەردەکەوێت."
عەلی خامنەیی لە پاش نوێژی جەژنی ڕەمەزان لە تاران لە لێدوانێکییدا بۆ وەڵامی هەڕەشەکانی دۆناڵد ترەمپ، سەرۆکی ئەمریکا ڕایگەیاند؛ کە ئەگەر واشنتۆن هەنگاوێکی لەو شێوەیە بنێت، ئەوا بێگومان باجێکی قورس دەدات و وتی: "ئەگەر ئەمریکا بیەوێت ئەو هەڕەشەیە ئەنجام بدات، گورزێکی بەهێزی بەردەکەوێت."
شایانی باسە دوای کشانەوەی ئیدارەی ترەمپ لە ڕێککەوتنە ئەتۆمیەکەی ساڵی ٢٠١٨، گرژییەکانی نێوان ئەمریکا و ئێران زیاتر بوو، ئەمەش هەڕەشەکانی هەردوولایەنی لە دژی یەکتر زیاد کردووە.
دۆناڵد ترەمپ، سەرۆکی ئەمریکا ماوەی لەمەوە پێش لە پەیوەندییەکی تەلەفۆنیدا لەگەڵ کەناڵی بی بی سی نیوزدا ڕایگەیاند، ئەگەر ئێران لەگەڵ ئەمریکا لەسەر راگرتنی چالاکییە ئەتۆمیەکانی نەگەنە ڕێککەوتن، ئەوا بە توندی ئێران بۆردوومان دەکەن و گەمارۆکانی لەسەر زیاد دەکەن.
