عەلی خامنەیی، ڕابەرو شۆڕشو ئیسلامی ئێرانی جە جوابو هەڕەشەکا دۆناڵد ترەمپی، سەرۆکو ئەمریکاینە کە واتەبێش؛ "ئەر ڕێککەوتەی ئەتۆمی هۊرشێویۆوە، ئێرانی بۊمبواران مکەرا"، واتش: " گورزێوە قەوەتەشا وەرگنۆ."
عەلی خامنەیی دماو نما جەژنەو ڕەمەزانی جە تارانەنە جە جوابو هەڕەشەکا دۆناڵد ترەمپی، سەرۆکو ئەمریکاینە ئەرەیاۋناش؛ کە ئەر واشنتۆن هەنگامېوە پا جۊرەیە بنیۆ، ئانە بێگومان باجێوە قورس مڎۆ و واتش: "ئەر ئەمریکا گەرەکش بۆ ئا هەڕەشۍ ئەنجام بڎۆ، گورزێوە قەوەتەش وەرگنۆ."
شیاو باسین دماو کیشیایۆ ئیدارەو ترەمپی جە ڕێککەوتە ئەتۆمیەکەو ساڵۊو ٢٠١٨، گرژییەکۍ بەینو ئەمریکا و ئێرانی زیاتەرۍ بیۍ، ئینەیچ هەڕەشەکۍ هەردووەلایەنی جە دژو یۊترینی زیاڎشا کەردەن.
دۆناڵد ترەمپ، سەرۆکو ئەمریکای ماوۍ چێوەڵی جە پەیوەندیێوە تەلەفۆنینە چنی کەناڵو بی بی سی نیوزی ئەرەیاۋناش، ئەر ئێران چنی ئەمریکای سەرو مردنای چالاکییە ئەتۆمیەکاش نەیاوا ڕێککەوتەی، ئانە بە تنی ئێرانی بۊمبواران مکەرا و گەمارۆکاش سەر زیاڎ مکەرا.
