پیک یاڏو قازی محەممەدی و هەڤاڵاش کەردۆ
پارتو ئیسلامی کوردەسانی(پیک)، یاڏو سەرۆک کۆمارو مەهابادی، قازی محەممەدی و هەڤاڵاش بەرز ڕاگێرت.
قازی محمەد
حیکمەت سەربڵند، سەرۆکو پارتەکەی، بە نامێ پارتو ئیسلامیی کوردەسانی، بە بۆنۆ ٧٨ـەمین ساڵو جە قەنارەداو سەرۆکو
کۆمارو مەهابادی، قازی محەممەد و هەڤاڵاش، ئەرەیاونێوەش وەڵا کەردۆ.
جە ئەرەیاوناکەینە ئەرەیاویا کە جە ٣١ا ئادارا ١٩٤٧ قازی محەممەد، سەرۆک کۆمارو کوردەسانی و هەڤاڵاش کە جە لایەنو حکومەتو ئێرانیۆ جە قەنارە دریێ، پەی هەمیشەی بەڕێزدارییۆ یاڏ وسمێ.
جە درێژەو بەیاننامەکەینە ئامان:
"پێسەو گەشمەرڏە قازی محەممەد واتش: ئەی میللەتی ستەم ونەگریا! مەبیدێ دووژمنو یۆتری، پاڵپەشتی یۆتری کەردێنە، دژو دوژمنایەتی ستەمکاری ئەوەکۆشدێنە، وێتا بە هەرزان مەورەشدێ . گرڏ ڕابەرەکێ کوردی ترسنۆکانە جەلایەنو دوژمنەکاشاوە کوشیێ. ئازادی گرڏ نەتەوێ بە یەکڕیزی، یۆبییەی، هامکاری یەکتری سەر گنۆنە. هیوادارەنا گەلوو کوردی قەد فریوو هیچ پلانێوە دوژمنی نەوەرۆ."
ئێمە یاڏو ٧٨ـەمین ساڵەو گەشمەرڏە بییەو ڕابەر و پێشەواو گەلوو کوردی قازی محەممەدی و هەڤاڵاش و گرڏو گەشمەرڏا کوردەسانی بە دڵێوە گەرم و ڕێزدارییۆ یاڏمکەرمێوە.
با بۆنۆ گرڏو گەشمەرڏا کوردەسانی یاگێ شانازی و شکۆو گەلەکەیمانێ، "ئینشاللە یاگێشا بەهەشتە بۆنە."
