دەوڵەت باخچەلی پېوەس بە بانگەوازییە تاریخیەکەو ڕابەر ئاپۆی قسێ تازێش کەردۍ، باخچەلی داواش جە پەکەکەی کەرڎ ۋێش هۊرشێونۆوە و واتش: "مشۊم بە فاڕیای و ڕیفۆرمی تازۆ سەرو بنەماو دادپەروەری و یەکسانی، یۊبیەی میللیما بەهێز بکەرمۍ."
دەوڵەت باخچەلی سەرۆکو مەهەپەی جە چەمپنەکۊتەیێنە چنی ڕۆنامەو تورکگونی دماو بانگەوازییەکەو ٢٧و شوباتو ڕابەر ئاپۆی، واتش: "گەل چەمەڕاو هومێڎین" و ئەرەیاۋناش:
"متاومۍ ئی چەمەڕاییە جیای نا هومېڎیی بکەرمۍ بە وەشی. تورکیایۍ بێ تیرۆر بۆ بە تورکیایۍ دیموکراتیک. جە سەردەمێوەنە کە سیستەمی تازەو جەهانی ئینا ئارانە متاویۆ ئی فاڕیایە پېسە دەرفەتێوە پەی تورکیای بەکار بارمۍ."
باخچەلی ئاماژەش پانەیچ دان کە ئی پرۆسە "گەرەکشا تورکیا ژیۋایۍ سیاسی و کۆمەڵایەتی تازە بە ئاشتی بنیاڎ بنیۆ" و جەختش چانەی کەردەنۆ کە فاڕیایە گۊرەکۍ جگە جە دەرفەتی، مەترسیچ شۊنەو ۋێشەرە مارا.
باخچەلی ئاماژەش پانەیچ دان: "پی مەڵامەتۆ پەنەوازا بەشێوە جە دینامیکەکا بە وریاییوە ڕاوەبەر بکریا. سەرەتا پېسە جە بانگەوازەکەو ئیمرالینە ئامان مشۊم چەک بنریۆرە و قەرارو هۊرشێونایۆ پەکەکەی بە گرڎو پێکئامایەکاشۆ بە بینای دەمودەس و کۆنگرەی جابەجێ بکریۆ. یۊبیەی دلېینەما مشۊم بە چاکسازیی هەمەلایەنە بەهێز بکریۆ و دادپەروەری و یەکسانی بۆ بە بنەمایۍ سەرەکی."
باخچەلی بانگەشەو ئانەیش کەرد کە "ئەوەمەڼنەو کودەتاکەی بە دەستوورێوە نیشتمانی و گشتگیر بە تەمامی سڕیۆوە و واتش؛ گرنگ ئانەنە پێکئامایۍ وەش بکریۆ کە گرڎ لایۍ ۋێشا چنەش بویناوە. پەی ئی مەبەسیە، جە پرۆسەو تورکیای بێ تیرۆرینە خوڵقەو گرڎو هاموڵاتییاما مکەرمۍ پەی یەکڕیزی نیشتمانی و واڵە و برایەتی، بەبێ جیاوازی گرڎ پېوەرە ئایندێوە بەختەوەر پەی تورکیای بنیاڎ بنیەیمۍ."
