کوردانی بەریتانیا بە جۆش و خرۆشەوە جەژنی نەورۆزیان پیرۆز کرد. ئاهەنگەکە کە لەلایەن کۆمۆنەکانی کوردانی دیڤۆن- ئەختەر لە ناوەندی ئەختەر فۆنیکس ئامادەکرا و بە دروشمی "سڵاو لە ڕێبەر دەکەین، کۆمەڵگای دیموکراتیک بنیات دەنین" بەڕێوەچوو.

ئاهەنگەکە بە ئامادەبوونی جەماوەرێکی زۆر لە کوردان و بە خولەکێک بێدەنگی بۆ یادی شەهیدانی ئازادی کوردستان دەستی پێکرد. لە هۆڵەکەدا ئاڵاکانی یەپەگە، یەپەژە، کەجەکە و هەروەها وێنەکانی ڕێبەر ئاپۆ و مەزڵوم دۆغان هەڵواسرابوون. کوردان لە ئاهەنگەکەدا بە جلوبەرگی نەتەوەیی خۆیانەوە بەشدارییان کرد و بەردەوام دروشمی "بژی ڕێبەر ئاپۆ"، "بێ سەرۆک ژیان نابێت" و "ژن، ژیان، ئازادی" دەوترانەوە.ڕ

ۆبین سەرحەد بە نوێنەرایەتی کۆمۆنی کۆمەڵگەی کوردی ئەختەر قسەی کرد و پێشوازی لە بانگەوازییەکەی ڕێبەر ئاپۆ بۆ 'ئاشتی و کۆمەڵگای دیموکراتیک' کرد. لە جەژنەکەدا سەرنج بۆ یەکێتی نەتەوەیی کورد ڕاکێشرا و ئاماژە بەوە کرا کە پارادایمی کۆنفیدرالیزمی دیموکراتیک تاکە ڕێگای ژیانێکی ئازادە بۆ گەلان.

میشل گورنی بە نوێنەرایەتی تۆڕی پشتیوانیی فەلەستین قسەی کرد و سەرنجی بۆ لایەنە بەرخۆدانەکانی تێکۆشانی گەلی کورد و فەلەستین.

لە سکۆتلەندا جەژنی نەورۆز بە جۆش و خرۆشەوە پیرۆز کرا

 لە شاری ئەدینبۆرگی پایتەختی سکۆتلەندا لە ناوەندی کۆمەڵگەی دیموکراتی کورد بە بەشداری سەدان کورد، ئینترناسیۆنالیست و سیاسەتمەداری سکۆتلەندی جەژنی نەورۆز پیرۆز کرا.

لە گۆڕەپانەکەدا پۆستەری گەورەی شەهیدانی نەورۆز هەڵواسران و ئاڵای یەپەگە، یەپەژە، پەکەکە و کەجەکە هەڵواسرابوون و بەردەوام دروشمی "بژی ڕێبەر ئاپۆ"، "بێ سەرۆک ژیان نابێ" و "بژی ڕۆژئاوا" وترانەوە.

ئاهەنگەکە بە خولەکێک بێدەنگی بۆ یادی شەهیدانی ئازادی کوردستان دەستی پێکرد. وتاری دەستپێکی لە لایەن هاوسەرۆکانی ناوەندی کۆمەڵەی کورد، شۆرش کوردی و دێرسیم ئامەد پێشکەش کرا. لە وتارەکاندا پێشوازیی لە بانگەوازییەکەی ڕێبەر ئاپۆ بۆ ئاشتی و کۆمەڵگای دیموکراتیک کرا.

پاشان بە ناوی (مەلەکەپە)ـەوە حوسێن قەرەسو قسەی کرد و ڕایگەیاند کە بانگەوازەکەی ڕێبەر ئاپۆ لە لایەن بزووتنەوەی رەنجی تورکیا و بزووتنەوەی کوردەوە بە جۆشەوە پێشوازی لێکرا و ڕایگەیاند کە بنیاتنانی کۆمەڵگایەکی دیموکراسی نەک تەنیا بەرپرسیارێتی بزووتنەوەی ئازادیی کورد، بەڵکوو لە بەرپرسیارێتی شۆڕشگێڕان و کەسایەتیە دیموکراتیکەکانی تورکیایە.

عوسمان بایدەمیر: دەبێت تێکۆشانمان بەهێزتر بکەین

 هەروەها سیاسەتمەداری کورد عوسمان بایدەمیر ئاماژەی بە گرنگی یەکێتی نەتەوەیی کورد کرد و ئاماژەی بەوەدا کە دوای لێدوانەکانی ئازادی و بزووتنەوەی سیاسیی کورد، چاوی هەمووان لەسەر ئەنقەرەیە، و وتی: "دوای ئەم بانگەوازییە، بۆ ئەوەی کۆنگرە کۆببێتەوە و ئاشتی بەدی بهێنرێت، دەبێت هەموو دەرفەتێکی ئەمن وئاسایش بنیات بنرێت."

دوای وتارەکان هونەرمەندان بەرهەمەکانیان پێشکەش کرد و جەماوەر سەمایان کرد. ئاهەنگی نەورۆز پاش هەڵکردنی ئاگری نەورۆز لەلایەن بزووتنەوەی گەنجانی شۆڕشگێڕی ئەدینبۆرگەوە کۆتایی هات.