هاوسەرۆکی کەجەدەکە-ئە زوبێدە زومرود بەشداری لە ئاهەنگی نەورۆزی ڤیێنا کرد و گوتی: "دەبێت نەورۆزی ئەمساڵ ببێتە نەورۆزی ئازادی ڕێبەر ئاپۆ. سیاسەتمەدار ئیدریس بالوکەن نەورۆزی ٢٠٢٥ی پیرۆز کرد.
لە ڤیێنای پایتەختی نەمسا بە هەزران کوردستانی لەگەڵ دۆستانیان بە شێوەیەکی نەریتی نەورۆزیان بە جۆشێكی مەزنەوە پیرۆز کرد.
ئاهەنگەکە بە ئامادەکاری دەم-کورد لە Gasometerê بە دروشمی 'کۆمەڵگەی ئازاد و ڕێبەرێتی ئازاد' ئەنجام درا.
هۆڵەکە بە پۆستەری ڕێبەر ئاپۆ، پانکارت و ئاڵا جیاواز ڕازێنرایەوە و پانکارت بە نوسینی 'ڕێبەرێتی ئازاد، کۆمەڵگەی دیموکراتیک' و 'نەورۆز پیرۆز بێت' لەسەر سەکۆ شەکێنرایەوە.
ئاهەنگەکە بە خولەکێک ڕێزگرتن لە شەهیدانی ئازادی کوردستان دەستی پێکرد. لە سەرەتادا هاوسەرۆکانی کۆمەڵگەی ئازاد ئەحمەد زیرەک و دیلەک کارامان نەورۆزیان پیرۆز کرد و بانگەوازیان کرد کە ساڵی ٢٠٢٥ بکەن بە ساڵی ئازادی جەستەیی ڕێبەر ئاپۆ.
هاوسەرۆکی کۆمەلگەی دیموکراتیکی کوردستان لە ئەوروپا (کەجەدەکە-ئە) زوبێدە زومردو گوتی: "نەورۆزی ٢٠٢٥ بۆ تەواوی گەلی کوردستان نەورۆزێکی مێژووییە. لەگەڵ مانیفێستۆی ڕێبەر ئاپۆ لە جیهان بەرخۆدان بڵندتر دەبێت. نەورۆزی ئەمساڵ دەبێت ببێتە نەورۆزی ئازادی ڕێبەر ئاپۆ."
بالوکەن: ئەم ڕۆحی نەورۆزە هەنگاوی دەستپێکی داهاتووی ئازادی گەلی کوردە
سیاسەتمەدار ئیدریس بالوکەن ئاماژەی بە بەرخۆدانی گەلی کورد کرد و گوتی: "ئەم ڕۆح و جۆشەی نەورۆز تەنها داخستنی پەڕەی سەدەی کۆیلایەتی نییە، لە هەمانکاتدا هەنگاوی داهاتووی ئازاد، ئاشتییانە و دیموکراتیکی گەلی کوردە. ئەمە پیرۆز دەکەم."
سەرۆکی پەرلەمانی ویلایەتی ڤیێنا ئێرنست والەر بەشداری ئاهەنگەکە بوو، گوتی "نەورۆز هیوا و ئازادییە" و نەورۆزی لە گەلی کورد پیرۆز کرد.
والەر گوتی: "هیوادارم پێشنیاری ئاشتی عەبدوڵا ئۆجالان قبوڵ بکرێت و ئازاد ببێت. دەبێت عەبدوڵا ئۆجالان ئازاد ببێت."
ئاهەنگەکە بە دروشمی 'بژی سەرۆک ئاپۆ'، 'نەورۆزت پیرۆز سەرۆک ئاپۆ' و هەڵپەركێ کۆتایی هات.
