بەهۆی بومەلەرزەوە لە میانمار و تایلەند زیاتر لە ١٧٠٠ گیانیان لەدەستداوە
بەهۆی بومەلەرزەوە ژمارەی ئەوکەسانەی لە میانمار و تایلەند گیانیان لە دەستدا ١٧٠٠ کەسی تێپەڕاند. لە میانمار بۆ ماوەی هەفتەیەک ماتەمینی نیشتیمانی ڕاگەیاندرا.
لە میانمار بەڕێوەبەری جونتای سەربازی لە دوای بوومەلەرزەکەی ڕۆژی هەینی کە لە ئەنجامی دا زیاتر لە ١٧٠٠ کەس مردن، لە ڕۆژی دووشەممەوە بۆ ماوەی هەفتەیەک ماتەمینی نەتەوەیی ڕاگەیاندرا.
بوومەلەرزەکە بە گوژمی ٧.٧ لە میانمار ڕوویدا و دوای چەند خولەکێک بە گوژمی ٦.٧ بوومەلەرزەیەکی دیکە ڕوویدا.
بە پێی دوایین ئامار کە ڕۆژی یەک شەممە ڕاگەیاندرا، لە میانمار نزیکەی ١٧٠٠ کەس مردن، زیاتر لە ٣٤٠٠ کەسیش بریندار بوون. لانیکەم ١٣٩ کەس لەو وڵاتە بێسەروشوێنن.
لە تایلەند بەهۆی ڕووخانی بینایەکی ٣٠ نهۆمی کە لە دروستکردندا بوو، لایەنی کەم ١٨ کەس گیانیان لە دەستدا. بۆ ڕزگارکردنی ئەوکەسانەی کە لە ژێر بیانەکەدان ئۆپراسیۆن بەردەوامە.
