قەرارو ئەرەیاۋنای ئاېێربەسو پەکەکەی و بانگەوازەکەو ٢٧و شوباتو ڕابەر ئاپۆی مانگێوە سەرشەرە ۋېیەرد، بەڵام حکومەت هەنگامېوە ڕۊشنەش نەنیێنە. جە لېوەتەریچۆ جە ئیمراڵینە جە هەلومەرجو ڕابەر ئاپۆینە فاڕیایۍ نەکریان.

جە زانشتگەو ئاکدەنیزی پڕۆفیسۆر. دکتۆر. جەنگیز ئاکتار ڕوەدایەکۍ سووریای و تاوتوۍ کەردەیش سەرو دیالۆگی و پڕۆسەو تورکیای پەی ئاژانسوو هەواڵوو فوراتی (ANF)ی هۊرسەنگنۍ.

جەنگیز ئاکتار باسش چانەی کەرڎ سەرەڕاو گرڎو ڕووەدایەکا، فرە گرنگا ئاژەکە نەفاڕیۆ پەی ئاژەو جەنگی دلېینەی و ئاماژەش پانەی دا ئەرەیاۋنایەکۍ حکومەتو دیمەشقی جە لایەنو دورزی و کوردەکاوە قبوڵ نمەکریا. ئاکتار ڕووەدایەکۍ ئیساتێش پېسە 'ژیۋگېوە ئاڵۆزی' وەسف کەرد و ئاماژەش پانەی دا تورکیا گەرەکشا جە هەرێمەکەنە پێگەو سەروازی ئەرەمەرزنۆرە، بەڵام ئیسرائیل کە هێز جە ئەمریکای هۊرگېرۆ جە ۋەرا ۋەرو ئی پڕۆژەینە مردۆوە. ئاماژەش پانەیچ دا جە تموحو ئیسرائیلینە مەنەیۆ هەمیشەیی تورکیای جە سوریانە نییا و ماچۆ تا ئیساتۍ نمەزانیۆ کێ کاریگەریش سەرو ئەحمەد شەرعی هەن.

'دەسەڵات ئیرادێوە سیاسیش نیشانە نەڎان'

ئاکتار ئاماژەی بەوەشکرد ئەو ڕووداوانەی لە سووریا ڕوودەدەن پەیوەندییان بە گفتوگۆکانی پڕۆسەی تورکیاوە هەیە، دەربڕینی "مەڵێن پڕۆسە"ی لە لایەن دەسەڵاتدارییەوە بیر هێنایەوە و ڕایگەیاند دەسەڵاتداری پڕۆژەیەکی نییە. هەورەها سەرنجی دا بە ڕاگەیاندراوەکەی هاوسەرۆکی کۆنسەی بەڕێوەبەری کەجەکە بەسێ هۆزات کە لەسەر گفتوگۆکان قسەی کرد بوو، گوتی: "دەسەڵاتداری دەڵێت هیچ شتێک ناکەم. شتێکی نەکردەوە. قەندیل دەزانێت ئەمە چیە. ڕاگەیاندراوەکەی ئەم دواییەی بەسێ هۆزات زۆر ڕوون و ئاشکرا بوو." هەروەها ئاماژەی بەوەدا دەسەڵاتداری ئیرادەیەکی سیاسی نیشان نەداوە بۆ وەڵامدانەوەی داواکارییەکانی کوردان.

'ئەردۆغان و باخچەلی چارەنوویس و ۋێشا کەرڎ بە یۆ'

ئاکتار ئەرەیاۋنا دماینەکەو باخچەلیش شیکەرڎۆ و ئاماژەش پانەی دا قەناعەتم نیا جە مابەینو دەسەڵاتی و دەوڵەت باخچەلی و تەیب ئەردۆگانینە گرفتۍ بۆ، ماچۆ باوەڕ نمەکەرو دەسەڵات ئیسە گەرەکش بۆ جە ڕاو هۊرچنیەیۆ دەس جە دەسەلاتی هۊرگېرۆ و واتش: "محاڵا دەس هۊرگېرۆ، چونکی هێڵێوە تاوانکارییەنە. حیچ هەرمانێوە نایاساییە نەمەنێنە ئەنجامشا نەڎۍ بۆ جە ماوەو ٢٠ ساڵانە بە تایبەتی جە ساڵۊو ٢٠١٣یۆ. کاتێ جە دەسەڵاتی دوورۍ وزیاوە، وێرەگاکەش ڕاسەوخۆ باڵبەسۍ مکریا. چونکی دەستوری بنەڕەتی گرڎو یاساکاش پاۍشێل کەردێنۍ."

'دەسەڵات مشۊم هەنگامە بنیۆ'

ئاکتەر ئاماژەش پانەی دا جە ئیسەنە مشۆم دەسەڵات هەنگامە بنیۆ و واتش: "دەسەڵات هەنگامەش نە نیێنە، چونکی دەس و باڵش بینیان. ماچۆ 'تورکیای بێ تیرۆر'، بانگەوازێوە چامنە مکەرۆ بەبێ ئانەی دیار بۆ چێشا. پەی ئانەی پەکەکە کۆنگرەو ۋێش جە موشەنە ئەنجام بڎۆ بانگەوازش کەرڎ."

'نمەتاومۍ باسو ئۆپۆزسیۆنێوە سەرتاسەری بکەرمۍ'

سەرو هەڵوێس و ئا هەرمانا کە مشۊم ئۆپۆزسیۆن بکەرۊشا جەنگیز ئاکتار واتش: "جە گلېرۊبیەکا و چالاکییەکانە پەی ئیمام ئۆغلۆی دژمنایەتی کوردا مکریۆ. گرڎ نا بەشێوەش بە ئاشکرا دژمنایەتی کوردا مکەرۆ. واتە ئینسان نمەتاوۆ جە تورکیانە باسو ئۆپۆزسیۆنی بکەرۆ." ئاکتەر ئاماژەش پانەیچ دا کۆدەکۍ مەنەیۆ دەسەڵاتداری دژە دیموکراتیکبیەیا و جەختش کەردۆ ڕژێمێوە پی جۊرە نمەتاوۆ سەرو بنەماو دیموکراسی و مافەکا مرۆڤی هەنگامە بنیۆ.