ڕێبەر ئاپۆ لە دیداری لەگەڵ بنەماڵەکەی ئەم پەیامەی نارد: "لە نەورۆزدا گەلەکەمان بە جۆشێکی مەزنەوە خاوەنداری لە بانگەوازی ئاشتی و کۆمەڵگەی دیموکراتیک کرد. سڵاو بۆ ئەم خاوەندارێتییە. نەورۆز و جەژنی ڕەمەزان لە گەلەکەمان پیرۆز دەکەم".
ڕێبەر ئاپۆ و عومەر خەیری کۆنار و حامیلی یەڵدرم و وەیسی ئاکتاش کە لە زیندانی جۆری F ی ئاسایشی باڵای ئیمراڵی زیندانی کراون، بەبۆنەی جەژنی ڕەمەزانەوە دیداریان لەگەڵ بنەماڵەکانیان ئەنجامدا.
زانراوە کە برای ڕێبەر ئاپۆ، محەمەد ئۆجالان و برازاکەی عومەر ئۆجالان، برای کۆنار، عەلی کۆنار، برای یەڵدرم، پۆڵات یەڵدرم، خوشکی ئاکتاش، سەبیحە ئاکتاش، چوونەتە ئیمراڵی.
پەرلەمانتاری پارتی یەکسانی و دیموکراسیی گەلان (دەم پارتی) عومەر ئۆجالان لە هەژماری خۆی لە میدیای دیجیتاڵ، پەیامێکی بڵاوکردەوە و گوتی: "وەک بنەماڵەی بەڕێز عەبدوڵا ئۆجالان و حامیلی یەڵدرم و وەیسی ئاکتاش و عومەر خەیری کۆنار، بەبۆنەی جەژنی ڕەمەزانەوە لە ٣١ ی ئادار دیدارمان ئەنجامدا. لە کاتێکدا کە لە تورکیا و ڕۆژهەڵاتی ناوەڕاست و جیهان پێشهاتی گرنگ ڕوودەدەن، ئەم پەیامەی بەڕێز عەبدوڵا ئۆجالان بۆ ڕای گشتی بڵاودەکەمەوە: "لە نەورۆزدا گەلەکەمان بە جۆشێکی مەزنەوە خاوەنداری لە بانگەوازی ئاشتی و کۆمەڵگەی دیموکراتیک کرد. سڵاو بۆ ئەم خاوەندارێتییە. نەورۆز و جەژنی ڕەمەزان لە گەلەکەمان پیرۆز دەکەم".
