سوپاو ئیسرائیلی جە جبالیاو سەرنیشتوو کەرتو غەززەی، بە بەهانۍ ئانەی کە چەکڎارا حەماسی ئینۍ دلۍ کامپەکەینە هرووژمش کەرڎ سەرو بەشو کامپو پەنابەرا فەلەستینو نەتەوە یۊگێرتەکا.
جە بارەو هرووژمەکەیۆ سوپاو ئیسرائیلی ئەرەیاۋناش جە هرووژمەکاشا پەی سەرو چەکڎارا حەماسی بەردەوامۍ با.
جە ئەرەیاۋناکەو سوپاینە وچیان: "جە هەرێمو جبالیای، هرووژم کریا سەرو تیرۆریسا حەماسی کە جە مېیانێوە ڕسمینە ۋێشا شارتەبۍ."
جەجوابو پرسیارەو ئاژانسوو فرانس پرێسینە، واتەواچو سوپاو ئیسرائیلی پەشراسشکەردەنۆ گورزە جە کامپو پەنابەرا فەلەستینو نەتەوە یۊگێرتەکا شنیان، کە کلنیکێوە تەندرووسیش چنە بۍ.
بە پاو ئامارەکا پارېزنای کەسانی مەدەنی کەرتو غەزەی، لاوکەمیۆ جە هرووژمەکەنە ١٩ کەسۍ گیانشا جە دەسدان کە زاوڵێچشا چنەنۍ.
ئەرەیاوېیا هەر جە دەرەنجامو ئا هرووژمەینە دەیان کەسۍ زامڎارۍ بیۍ.
