مېیانوو چاپەمەنی و ئەرەیاۋنای هێزەکاو پارېزنای ۋەرکۊتوو کوردەسانی(یەرەکە) شناسنامەو ٣ ژەنە گەریلایا یەکینەکاو پارېزنای ژەنا (هەپەژە)یش ئەرەیاۋنا و واتش: "ئاڎې بیې بە هېماو مڎرامانوو ژەنا ئازادی و مۊرەو ۋێشا جە تاریخو مرۆڤایەتی دا."
مېیانوو چاپەمەنی و ئەرەیاۋنای یەرەکەی سەبارەت بە گەریلا گەشمەرڎەکا پی جۊرە زانیاریش وەڵا کەرڎۆ:
"رۆو ٣ې تەمموزو ٢٠٢٤ هەمڕېما ئارارات باوەرە، ستێڕا سیسەرە و تارا هەورامە، جە کاتێنە سەرحاڵې ئەرکە شۆڕشگێڵنییەکاشا بېنې جە ناوچەو ئاسۆسینە، یاوې بە کارەوانو گەشمەرڎا.
بە درێژایی تاریخی ئانې مۊرەو ۋێشا جە تاریخو مرۆڤایەتی دان، هەمیشە گەشمەرڎەکېما بیێنې کە ژیۋایې گۊرە و پەڕ مەعناشا بەردەن سەر. بەتایبەت جە کارەکتەری ژەنێوەنە کە بە هزر و فەلسەفەو ڕابەر ئاپۆی خوڵقیێنە، بەسەڎان نموونې جە گرڎ هەلومەرجێوەنە سەرەمڕە مڎرامانشا کەردەن و بیێنې بە نموونەو ژیۋایې زەریفی کە ئارۆ سەرمەشقایەتی گرڎو مرۆڤایەتی مکەرا. پېسە هەمیشەی هەمڕێما ئارارات باوەرە، ستێرا سیسەرە و تارا هۆرامە، بە بەشداری و پاگیریشا، جارێوەتەر نیشانەشا دا کە ئاڎێچ نموونەو حەقیقەتو هێڵۊو ژەنې ئازادینې کە بیێنە سەرمەشقەو مرۆڤایەتی. ئاڎې بیې بە هێماو هەڤاڵیەتی حەقەتینەی چنی ڕابەر ئاپۆی. بە بەشدارییەکاشا، بێ گومان پەی هەمیشەی هێماو مڎرامانو ژەنا ئازادینې و هەرپاسە مۊرەو ۋێشا جە تاریخو مرۆڤایەتی دا.
سەرەتا پرسەو سەرەوەشی ۋێما ئاراسەو بنەیانەی ئېژاو هەڤاڵە گەشمەرڎەکاما و گرڎو گەلو کوردەسانی مکەرمې و دیسان قەول مڎەیمې کە هیوا و ۋەرمەکاشا جە کوردەسانێوە ئازادەنە بەدی بارمې.
زانیاری سەبارەت بە هەڤاڵە گەشمەرڎەکاما پی جۊرەنە:
ناسنامې / ئارارات باوەڕ
نامې و دما نامې / ەهار ئاڤجی
شۊنەماو جە ئەڎابیەی / موش
نامې ئەڎې و نامې تاتەی / مریەم-تەحسین
کاتو شۆنەماو گەشمەرڎەبیەی / ٢٠٢٤-ئاسۆس
**
ناسنامې / ستێرا سیسەر
نامې و دما نامې / سەڤدا کۆسەن
شۊنەماو جە ئەڎابیەی / حەلەب
نامې ئەڎې و نامې تاتەی / فاتمە-عەلی
کاتو شۆنەماو گەشمەرڎەبیەی / ٢٠٢٤-ئاسۆس
**
ناسنامې / تارا هەورامە
نامې و دما نامې / کەژان مۆعیزی
شۊنەماو جە ئەڎابیەی / سنە
نامې ئەڎې و نامې تاتەی / گەشین-بێهروز
کاتو شۆنەماو گەشمەرڎەبیەی / ٢٠٢٤-ئاسۆس
*****
