ئیلیۆن ماسکی ملیارلەر پارتێوەش بە نامې "پارتو ئەمریکا"ی ئەرەمەرزنارە
هامپەیمانی وەڵینو سەرۆکو ئەمریکای دۆناڵد ترامپ، ملیارلەر ئیلیۆن ماسک ئەرەیاۋناش پارتێوە سیاسیش ئەرەمەرزنانەرە.
سەرۆکو تێسلای و سپەیس ئێکسی ئیلیۆن ماسک جە پەلېیانەو X و ۋێشەنە ئەرەیاۋناش کە "پارتو ئەمریکا"یش ئەرەمەرزنانەرە.
ماسک دژو پڕۆژە یاساو بودجەو سەرۆکو ئەمریکای بې کە قەرزی گرڎیی زیاڎ مکەرۆ، قەولش دابې ئەر پڕۆژە یاساکە پەسینیۆ، پارتێوە ئەرەمەرزنۆرە.
ماسک کە نمەتاوۆ ۋێش پەی پۆستو سەرۆکو ئەمریکای کاندید بکەرۆ، جە ٤و تەمموزیوە ڕاپەرسایێش سەرو ویرۆکەکەی دەسپنەکەرڎ؛ جە ١.٢ میلیۆن کەسانە ٪٦٥ واتشا "بەڵێ".
ماسک ڕەخنەش جە سیستەمو ئیساتې گېرت بەمەڵامەتوو بەفیڕۆدای و گەندەڵی، ئاماژەش پانەی دا کە دیموکراسی بیەیش نییا.
