کەجەکە ئەرەیاۋناش: "پڕۆسەی تازە کە ڕابەر ئاپۆ بە 'بانگەوازو ئاشتی و گلېرگەی دیموکراتیک' دەسشپنەکەرڎەن، سەرو بنەماو میراسو ئەوەکۊشای مڎرامانوو ١٤و تەمووزی بەرهەم ئامان کە گەلەکەماش جە دلېنەشیەی ڕزگارکەرد، ئەنەیاوای و ئیرادێوە ئازاڎش پنەبەخشې."
هامسەرۆکایەتی کۆنسەو ڕاوەبەری کەجەکەی سەبارەت بە ٤٣ەمین ساڵوەگەڕو مڎرامانوو ١٤و تەمموزی ئەرەیاۋنێوەش وەڵا کەرڎۆ.
دەقو ئەرەیاۋناکەی پی جۊرەنە:
"جە کاتێنە کە بە مانیفێستو ئاشتی و گلېرگەی دیموکراتیکۆ ئەوەکۊشایما لوان قۆناغێوە تازەی تاریخیۆ، هامکات ملمێنە ٤٣ ەمین ساڵوەگەڕو مڎرامانی تاریخی ١٤و تەمووزی، کە پېسە ڕوێوە شکۆمەندی نەتەوەیی پێشوازیش ۋنە مکەرمې. گەشمەرڎې نەمرې ئا مڎرامانە تاریخیە گۊرەیە، هەڤاڵا خەیری دورموش، کەمال پیر، عاکیف یڵمازی و عەلی چیچەکی بە حورمەت و پنەزانایۆ یاڎې مارمېوە و سەرەو ڕێزی ۋەردەمو یاڎەوەرییەکاشانە منامنمېرە، جە کەسایەتیی ئا گەشمەرڎانە، جارێوەتەر گرڎو گەشمەرڎا شۆڕشی و دیموکراسی یاڎې مکەرمېوە. هەرپاسە دڵسۆزی ۋێما پەی گەشمەرڎا و قەولێوە کە بە گەشمەرڎاما دابې، ئەسرارش مکەرمېوە کە ئەوەکۊشای ئازادیی ئاپۆیی سەرو بنەماو هێڵۊو مڎرامانو ١٤و تەمووزی، وەڵێکۊتەیې تاریخی گۊرەش خوڵقنا. بێ گومان سەرو بنەماو ڕۆح، ڕێباز و ڕوانگەو ئی هێڵې پێشئامای تاریخی تازە وەش بۆ و گەلەکەیما مېیاونۆ پا ئازادییەی کە ئامانج و ۋەرمێوە تاریخی بیەن.
ئا پڕۆسە تازەی کە ڕابەر ئاپۆ بە 'بانگەوازو ئاشتی و گلېرگەی دیموکراتیک' دەسشپنەکەرڎەن، سەرو بنەماو میراسو ئەوەکۊشای مڎرامانوو ١٤و تەمووزی بەرهەم ئامان کە گەلەکەماش جە دلېنە شیەی ڕزگار کەرد و ئەنەیاوای و ئیرادەو ئازادیش پنەبەخشې. سەرو بنەماو ڕۆح، ئیرادەی و ڕێبازی ئی هێڵې ئەرەمەرزیێنە. پۊکەی پەنەوازا جە گرڎ کاتێ زیاتەر گرنگی بە مڎرامانوو ١٤و تەموزی بڎریۆ و بە قووڵی چی ڕووەدایە تاریخیە بیاومێنە. ڕابەر ئاپۆ جە بانگەوازەکەشەنە جە ١٩و حوزەیرانو ٢٠٢٥، 'مانیفێستو ئاشتی و گلېرگەی دیموکراتیک'ش پېسە یاگەگیرێوە پەی مانیفێستو 'راو شۆڕشو کوردەسانی' پێناسە کەرد کە مانیفێستو هەنگامەی یووەمو ئێمەن. مڎرامانی تاریخی ١٤و تەمووزی سەرو بنەماو مڎرامانی جە ۋەرا ۋەرو دلېنەشیەی، نکۆڵی، وەرەنگاربیەیۆ دژو کۆمکوژی و ئەرەگیری دەسش پنەکەرڎ کە ڕابەر ئاپۆ جە مانیفێستو 'ڕاو شۆڕشو کورڎەسانی'نە پێناسەش کەردەبې. ئی هێڵۊو ئەوەکۊشایە دمایش پا نکۊڵیە ئارڎ کە سەرو گەلو کوردیرە سەپیا و گەلەکەماش سەرجە نۆ ژیۋناوە.
ئارۆ ئەوەکۊشای ئازادیی ئێمە سەرو بنەماو ئا میراسە تاریخیەی ئینا سەردەمو خوڵقنای پێشئامایە تاریخیە تازەکانە. گومانەش چنە نییەنە ئەوەکۊشای ئازادیی ئێمە کە سەرو هێڵۊ و میراسو مڎرامانی تاریخی ١٤و تەمووزی پەرەش ئەسان، گەلو کوردیش بەرەو ئازادی بەردەن و بە مۊچیاری نەتەوەی دیموکراتیک، سۆسیالیزمی دیموکراتیک و کۆمۆناڵیزمی دیموکراتیک، پەی ئازادی، یەکسانی و یۆگێرتەیی گەلاو ۋەرکۊتوو مېیامینی و جەهانی، دەوری تاریخی ۋێش ڕاوەبەر مکەرۆ.
سەرو ئی بنەمایې، جارێوە تەر بە ڕێزو پنەزانایۆ گرڎو گەشمەرڎا شۆڕش و دیموکراسی، بەتایبەتی گەشمەرڎا تاریخی ١٤و تەمووزی، هەڤاڵا کەمال، خەیری، عاکیف و عەلی، یاڎې مارمېوە و داوا جە گەلەکەیما و دۆساما مکەرمې جە هەر شۆنێوەنە مژیوا، بەڕێزۆ یاڎو گەشمەرڎا تاریخی ١٤و تەمووزی بەرز نرخنا، هەرپاسە جە ئەوەکۊشای تاریخیشا بیاوانە و سەرو ئا بنەمایې ۋێشا بە ڕێکوستەی بکەرا و ئەوەکۊشای سەردەمی تازەی پەرە پنەبڎا."
