جە چوارچێوەو چالاکی و فیستیڤاڵەکانە پیرۆزکەردەو ٤ـ نیسانی جە تەلارو کۆنفرانسی بە بەشداریی گەلی و ونکارا ئی فێستیڤاڵێ گرڏ ساڵێ جە ٢ـی نیسانینە نمایشکێوە وێنەکێشایشا جەلایەنو ونکارا کامپەکەیۆ کریۆوە، ئێساڵیچ جە تەلارو کۆنفرانسینە بە بەشداریی گەلی و ونکارا لواڕاوە، هەرپاسە بڕیارا جە ٣ـی نیسانینە پێشبڕکێ وەرزشی بلۆڕاوە و جە ٤ـو نیسانیشەنە ڕۆو جە ئەڏایا بییەو ڕابەر ئاپۆی زەماوەنێوە جەماوەری ڕێك وسیۆنە

نمایشگاکە بە وتارەو مامۆستا فەیاد کاچانی کریاوە و جە سەرەتاو قسەکاشەنە پیرۆزبایی ٤ـو نیسانیش جە ڕابەر ئاپۆی و گرڏو مرۆڤایەتی کەرد و واتش: "ئی ڕووە پەی ئێمە تەنیا جە ئەڏایا بییەی نییا، سەرهوردای و مڏرامانا، سەرو ئی بنەمێ، پێسەو ونکارا ڕابەر ئاپۆی، ئی ڕووەیە پیرۆز مکەرمێنە بە دیاری پەی ڕابەر ئاپۆی و گرڏو مرۆڤایەتی."

جە درێژەو قسەکاشەنە واتش: "پێسەو ونکارا کامپەکەی، گەرەکمانە سڵامێوە تایبەت پەی ڕابەر ئاپۆی گیانمێنە و پەشتگیری جە بانگەوازە تاریخییەکەی کەرمێنە."

دماو وتارەو سەرەتای، فیلمێوە تایبەت بە خەبات و مڏرامانو تاریخی كامپەكەی نمایشکریا. دماتەر ئەرەنیشتا و ونکارا کامپەکەی پەی ویناو وێنەکا و بەرهەمەکا تەرێ لوێ یاگێ پێشەنگاکەی.

جە گەلەرییەکەنە، وێنەو درووسکریاو ونکارا و فۆتۆگرافو کامپەکەی، هەرپاسە بەرهەمەکا، کە جە کاغەز و هەڕە و دار دروسکریێنێ، نمایشکریا.