ڕاپیماو جوانا پارتو یەکسانی و دیموکراسی گەلا (دەم پارتی) پەی ٧٦ـەمین ساڵڕۆو جە ئەڎابیەو ڕابەر ئاپۆی یەرۍ ڕوێن بەردەواما. جوانۍ کە جە ١و نیسانیوە جە ئامەدۆ پەی ئامارای ڕاپیمایشا کەرڎ، تێکەڵ بە فیستیڤاڵو ٤ـو نیسانی بیۍ کە  دووۍ ڕوێن جە خەلفەتینە پەی ڕۊو جە ئەڎابیەو ڕابەر ئاپۆی بە کەیفو سەفاوە ملۊڕاوە.

جە فیستیڤاڵەکەنە پەیامو ڕابەر ئاپۆی پەی جوانا بە هەردووە زۋانی کوردی و تورکی ونیاوە.

پەیامەکەو ڕابەر ئاپۆی پەی جوانا پی جۊرەنە:

"مانگۊو نیسانی پەی من ڕێنێسانسێوەن. ژیۋایۍ تازەن. ڕاپیماو جوانا، ڕاپیماین بەرەو ئازادیی. هەنگامنیاین بەرەوە ئازادی، ماناڎارا. من لوێنا ۋێم بەڕێکوستەی کەرێنا. کاتێ لوێنا پەی وەننگەی گرووپێوەم بۍ کە چنیم جمېنێوە. کۆمەڵایەتیبیەی پی جۊرە وەش بۆ. جە زاوڵەیمۆ تا ئیساتۍ ئی هەرمانۍ مکەرو.

سۆسیالیزم، گلېرگەن. کۆمەڵایەتی بیەین. سۆسیالیستیچ کۆمەڵاتیبیەین. جە کوردەسانیچەنە پەنەوازا پی ئەنەیاوایۆ سیاسەت بکریۆ. گلېرگەیی و سۆسیالسیتی نامۍ ئا سیاسەتەینە. ئینەیچ بە ڕێکوستەکاری مکریۆ. ڕێکوستەبیەی گرنگتەرین هەرمانەنە. ئەر ئینەی نەکەردۍ، ڕەخنەیی تەمامەتیتا مکەرو. ۋەرو ئینەی پەنەوازا جە گرڎ یاگېنە ۋێتا بە ڕێکوستەی بکەردۍ. گرڎ یاگێچ بە رێکوستەی بکەردۍ. پاڵپەشتی جە کۊششیتا مکەرو، سڵامو ۋێمتا پەی کیانو."

دماو ئانەی پەیامەکە بە هەردووە زۋانی کوردی و تورکی ونیاوە، جەماوەرو فیستیڤاڵەکەی بە بەرزکەردەیۆ هوتافەو "بژیۋۆ سەرۆک ئاپۆ" پێشوازییشا جە پەیامەکەو ڕابەر ئاپۆی کەرڎ. جۆش دریا بە ڕاپیماکەی و گەمەی ئایرین ئاسمانش ڕۊشن کەردۆ. دماو ۋەنایۆ پەیامەکەی هوتافەو "سڵام سڵام جە ئیمراڵی سڵام" جە مېڎانەکەنە بەرزبیۆ.

دماتەر جوانۍ بە گێڵنای زەماۋنۍ فیستڤاڵەکەشا جۆشدا.