گۆڤارو سەرخۆبوونی جە ژمارێوە تازەنە بە نویستەو بانگەوازو ئاشتی و گلێرگەو دیموکراتیکو ڕابەری ئاپۆی وەڵاکریاوە. چی ژمارەو گۆڤارەکەینە نوسین و هورسەنگنێکێ دوران کاڵکانی و، عەلی حەیدەر قەیتان، ئەنجوومەنو پاژکی، جەمال شەریک و شیار ئامەدش دلێشەنە یاگێ گێرۆنە.

ئەندامو کۆمیتەو ڕاوەبەری پەکەکەی دوران کاڵکان جە نویسینەکەیشەنە هورسەنگنایش پەی بانگەوازییەکەو ڕابەر ئاپۆی کەرد و جەختش چانەیە کەردۆ پەنەوازا فرە بە خاسی جە بانگەوازەکەی یاومێنە.

ئەنجوومەنو پاژکی جە نویسینەکەشەنە بە نامنیشانو "بانگەوازو رابەر ئاپۆی خوڵقناو سەردەمو ژەنێن" هورسەنگنایش پەی بانگەوازەکەی کەردەن.

هەرپاسە عەلی حەیدەر قەیتان جە بەشو دووەمو نوسینەکەینە بە نامنیشانو "حەقیقەتو شۆڕشو ئازادی"نە دەربارەو کەسایەتی ئینسانی بەهێزی هورسەنگنایش کەردەن.

جە ژمارەو ئی مانگێ گۆڤارەکەینە، زنجیرە نوویسینێ "پرسەکێ وەرکەوتوو مییامینی و چارەسەرو مۆدێرنێتو دیموکراتیک ،،ینە کە جە وەرگرینامەکا ڕابەر ئاپۆیۆ هورگیریان، هورسەنگنای پەی "جەنگو مۆدێرنێتی و دەرنجامو گومانەکا" کریان.

حەر چی ژمارەو گۆڤارەینە نوسینێوە جەلال ئامەدی بە نامنیشانو "کوردەسان جە شۆڕشو ئازادینە" هورسەنگنای پەی هەردووی جینۆسایدو ئەنفالی و کارەساتو هەڵەبجەیش کەردەن.

جە دماینە نوسینێوە شیار ئامەدی بە نامنیشانو "ئەرکەکێما و ئی دەرفەتێ ئامێنی وەڵێما پەی ئەوەکۆشای یۆگێرتەی"، دەسنیشانش مکەرۆ پەنەوازا هەنگامەی سەرەتاییە و شۆڕشگێڵی جە دژو سیستەمی جە بوارو زهنیەتینە بۆنە.