ڕاپیمایکەرا ڕاپیماو ئامارای، کە پەی پیرۆزکەردەی ٧٦ـەمین ساڵڕۆو جە ئەڎابیەو ڕابەر ئاپۆی بەرەوو ناوچەو خەلفەتی ڕحای لوێنۍ، چنی یاوایشا بە خەلفەتی جە لایەنو جەندرمەو تورکیوە ڕا جە ڕاپیمایکەرا گیریا.

جەندرمە بە نزیکبیەیۆ چالاکا ڕاپیماکەی جە دەروازەو خەلفەتینە وەربەسشا نیارە و ڕاگیریشا جە ڕاپیمایکەرا ئامارای کەرد بلا دلۍ خەلفەتیۆ.

جەماوەرو ڕاپیماکەی کە جەوانۍ سەرمەشقایەتیش مکەرا، جە ١و نیسانیوە جە ئامادۆ بەرەو ئامارا ڕاپیمای ئازادیشا دەسپنەکەرڎەن، جە دژو کۊسپ و ڕاگیریەکا جەندرمەی چڼین سەعاتۍ بە واتەیۆ هوتافۍ و بە گێڵنای زەماۋنۍ مردێوە.

بە هەزاران کەسۍ جە دیلۆک، بۆتان و ڕحا جە دژو وەربەس نیایرەو جەندرمەی ئامۍ دەمو ڕاپیمایکەراوە و ڕاپیمایشا دەس پنەکەرڎ. چنی ۋەرفراوان بیەی ڕاپیماکەی جوانۍ بە واتەیۆ هوتافەو "بژیۋۆ ڕابەر ئاپۆ"ی دژ بە هرووژمەکا جەندرمەی مردێوە.

هەڵوێس هۊرگېرتەی گەلو هەرێمەکەی جە دژو جەندرمەی بەردەواما و چڼین کەسۍ بە مەڵامەتوو وەرکۊتەیشا بە گازی هەڵسمجیۆ بێهۆش کۊتێنۍ.