بە چنین چالاکیێ جۆراوجۆر جە شارو مارسیلیاینە، مانت جولی و مارگینیانی فەڕەنسای بەبۆنۆ ٧٦ـەمین ساڵوەگەڕو ڕابەر ئاپۆی زەماوەنە ئەنجام دریا.

مارسیلیا

ئەنجوومەنو ژەنا ئەرین میرکانی جە مارسیلیانە بەبۆنۆ٧٦هەمین ساڵوەگەڕو جە ئەڏایابییەو ڕابەر ئاپۆی زەماوەنێوە ئەنجام دریا.

چنین کەسێ بەشدارێ زەماوەنەکێ بیێ پەیامو ئازادی رابەر ئاپۆی و یۆبییەو کوردا دریا.

جە زەماوەنەکێنە گۆرانیێ وچیێ و ئامادەبییەکێ هورپڕی. بەشداربییەکێ بە بەرزکەردەیۆ دروشمسس "بژیوۆنە سەرۆک ئاپۆ" دڵسۆزی وێشا پەی ڕابەر ئاپۆی واوەی کەردۆ.

جە قسەکانە بە نامێ ئەنجوومەنو ئەرین میرکانێ ئاماژە پانەیە کریان فکرو ڕابەر ئاپۆی بنەماو ئازادی و ئاشتییا.

مانت لا جولی

جە شارو نانت لاجولیی نۆرمەندی بە بەشداربییەو سەدان کەسا ٤و نیسانی موبارەک کریا.

جە زەماوەنەکێنە بە تەقناو گەمەو ئایێری و هورپڕای ٤و نیسانی موبارەک کریا، هەرپاسە زەماوەن گێڵنای بە واتەیۆ درووشموو "بژیوۆنە ڕابەر ئاپۆ" بەردەوامیشا دا بە زەماوەنەکێ، زەماوەنەکێ تا دێرێ بەردەوامش بێ.

مارگینینان

جە شارو مارگینیانی ٧٦هەمین ساڵوەگەڕو جە ئەڏایابییەو ڕابەر ئاپۆی جە مییان و گلێرگەو کوردی دیموکراتیکینە موبارەک کریا. زەماوەنەکێنە هونەرمەندە ڕێناس دەمهاتە لوا سەر و ستەیجی و ئامادەبییەکێ هورپڕێ.

 زەماوەنەکێنە هامسەرۆکس مییانو گلێرگەو کوردی دیموکراتیکی مارگینیان یەعقوب ئارهات قسێش کەردێ و واتش: "خاوەندارێتی جە بانگەوازو ئاشتی و گلێەگەو دیموکراتیکی مکەرمێنە، پێوەرە گلێرگێوە دیموکراتیک بنیاد منییەیمێ."

زەماوەنەکێ بە هورپڕای و واتەیۆ درووشمی تا دێرێ بەردەوام بێ.