لە هێرشی ئاسمانی ئیسرائیلدا بەرپرسێکی باڵای حزبوڵا کوژرا
حزبوڵای لوبنان بڵاوی كردەوە، لە كۆتا هێرشی ئیسرائیل بۆ سەر لوبنان عەلی حەسەن بەدیر جێگری سەرۆكی مەكتەبی سیاسی حزبەكەیان كوژراوە.
حزبوڵای لوبنان سەبارەت بە كوژرانی عەلی حەسەن بەدیر جێگری سەرۆكی مەكتەبی سیاسی حزبەكەیان لەلایەن ئیسرائیلەوە ڕاگەیاندراوێكی بڵاوكردەوە و ئاماژەی بەوەداوە؛ بە فەرمی كوژرانی عەلی حەسەن بەدیر جێگری سەرۆكی مەكتەبی سیاسی حزبەكەیان ڕادەگەیەنن، كە لەلایەن سوپای ئیسرائیلیەوە بە مووشەك هێرشكراوەتە سەر ماڵەكەیان.
لە ڕاگەیاندراوەکەدا حزبوڵا ئاماژەی بەوەکردووە بۆ کوژرانی بەرپرسەکەیان ماتەمینی ڕادەگەینین.
جێگای ئاماژەیە، بەرەبەیانی دوێنێ ئیسرائیل هێرشی كردەسەر باڵەخانەیەك لە بەیروتی پایتەختی لوبنان و بەهۆیەوە چەند كەسێك كوژران، لەنێوانیاندا ئەو بەرپرسەی حزبوڵاشی تێدابووە.
