جە هرووژمېوە ئاسمانی ئیسرائیلینە ۋەرپرسێوە باڵاو حزبوڵای کوشیا
حزبوڵاو لوبنانی وەڵاش کەرڎۆ، جە دما هرووژم و ئیسرائیلینە پەی سەرو لوبنانی عەلی حەسەن بەدیر یاگەگیرو سەرۆكو مەكتەب سیاسی حزبەكەیشا کوشیان.
حزبوڵاو لوبنانی سەبارەت بە کوشیای عەلی حەسەن بەدیری یاگەگیرو سەرۆكو مەكتەب سیاسی حزبەكەیشا جە لایەنو ئیسرائیلیوە ئەرەیاۋنێوەش وەڵاکەرڎۆ و ئاماژەش پانەی دا؛ بە ڕسمی کوشیای عەلی حەسەن بەدیریش ئەرەیاۋنا، كە جە لایەنو سوپاو ئیسرائیلیوە بە مووشەك هرووژم کریان سەرو یانەکەیشا.
جە ئەرەیاۋناکەینە حزبوڵا ئاماژەش پانەی کەرڎەن پەی کوشیای ۋەرپەرسەکەیشا ماتەمینی ئەرەیاۋنمۍ.
یاگۍ ئاماژەیا، سەرسەعبو هېزی ئیسرائیل هرووژمش کەرڎ سەرو باڵەخانێوە جە بەیروتو پایتەختو لوبنانی و پا مەڵامەتۆ چن كەسێوە کوشیۍ، دلېچشانە ئا ۋەرپەرسەو حزبوڵایچش چنەبیەن.
