جە پەڕلەمانو ئۊروپاینە گفتوگۆ دەربارەو پاشەکشێی دیموکراتیکی جە تورکیانە کریا
چن گرووپێوە جیاوازو پەرلەمانو ئۊروپای دەستنیشانشا کەرد تورکیا بەرەو ڕژێمێوە ئۆتۆرکراتی ملۆنە و واتشا: "گرڏ ئامرازێوە بەکار مارمێنە پەی پارێزناو دیموکراسی جە تورکیانە."
فشارو سیاسی و پاشەکشێ دیموکراتیکی جە تورکیانە جە ئەرەنیشتەیرەو گرڏی پەڕلەمانو ئەورووپای جە ستراسبۆرگەنە گفتوگۆ دەربارە کریا. گرووپە جیاوازە سیاسییەکێ ڕەخنەی تنشا سەرو دوور وستەیۆ شارەوانییە هورچنییەکا، فشار وستەی سەرو رۆنامەوانا و پاشێلکەردەو مافەکا مرۆڤی جە تورکیانە کەرد.
ئیراتکس گارسیا پێرێز: ئینایمێ چنی ئۆپۆزسیۆنە دیموکراتیکییەکا
سەرۆکو گرووپو سۆسیالیستی و دیموکراتیکی ئیراتکس گارسیا پێرێز جە کۆنگرەو ڕۆنامەوانینە قسێش کەردێ و ئاماژەش پانەیەدا دماو هورچنییەو ١٤و گوڵانی جە تورکیانە بەلانی کەمۆ ١٤ شارەوانیێ دەسشا سەرەرەگیریان.
پێرێز سەبارەت بە پرسیاری 'کاریگەری پەرلەمانو ئەورووپای سەرو ئی بابەتە چێشا؟' ئی جوابەشە داوە: "حەفتەی وەڵین بە ئاشکرا پەشتگیری وێما پەی سەرۆکو شارەوانی ئەستنەبوڵی بەربڕی و پارتە سۆسیالیستییەکا ئەورووپای چنی جەهەپەی ئینێ پەیوەندینە."
پێرێز ئاماژەش پانەیش دا چنی تەڤگەرو سیاسی کورددا ئینێ پەیوەندینە و پەیامش "پەی سەروەری یاسایی و پارێزناو ئازادییەکا هەڵوێسی ڕۆشن نیشانە مڏانە"
ڕینو ئەورووپا: پەنەوازا دمای بە پێکئامایا دژە دیموکراتیکییەکا بێنە
سەرۆکو گرووپو لیبراڵ ڕینیو ئەورووپای، ڤالێری هایریش ئاماژەش پانەیەدا جەدژو گرڏو پاشێلکارییە یاساییەکانە جە تورکیانە واتش: "دوور وستەیۆ کەسێ هورچنیێ جە ئەرکەکاشا و فشار وستەی سەرو ڕۆنامەوانا و هەوڵو بێدەنگ کەردەیشا یاگێ قبوڵ کەردەی نییا. پەنەوازا کاربەدەسێ تورکیای دمای پی پێکئامایا دژە دیموکراتیکا بارانە. ئێمەیچ پێسەو یۆبییەی ئەورووپای گرڏ ئامرازێوە بەکارمارمێنە پەی پارێزناو دیموکراسی."
هامسەرۆکا گرووپو چەپی: دووڕووی یۆبییەی ئەورووپای یاگێ قبوڵ کەردەی نییا
هامسەرۆکا گرووپو چەپی، مانۆن ئوبری و مارتین شیردیوان ڕەخنەو سیاسەتو یۆبییەی ئەورووپایشا کەرد دەربارەو بێدەنگییەکا وەراوەرو پاشلکارییەکا تورکیای.
مانۆن ئوبری: بەتەمامەتی پەشگیری جە ئەوەکۆشای گەلا تورکیای مکەرمێنە دژ بە حکومەتو ئۆتۆکراتی. بەڵام تێگەیی 'جە ئاستو پاشلکارییەکا مافو مرۆڤی چەم وسۆرە، ڕاگیری جە کۆچبەرا بکەرۆ"یۆبیەی ئەورووپای هیبۆکراسییا. ئیتر کاتو ئانەی ئامان یۆبییەی ئەورووپای هەڵوێسی ڕۆشن نیشانە دۆنە.
هامسەرۆکو گرووپو سەوزی، ئەفا تێریی ڕینگکیش هورسەنگنایش پەی پێشئامایەکا تورکیای کەرد. پەیوەس بە ڕۆنامەوانا کوردی ئینەیش وات: "بە تنی زینان کەردەو ئەکرەم ئیمام ئۆغلووی شەرمەزار مکەرمێنە. بەڵام ئینە تەنیا نموونێوەن؛ حەروێش دیموکراسی جە تورکیانە ئینا دۆخێوە سەختەنە و جە ئیسەنە دەسەڵاتداری جە تورکیاند بەرەو ڕژێمێوە ئۆتۆکراتیکی ملۆنە. کۆمسیۆنو یۆبییەو ئەورووپای چی بابەتەنە فرە جە بێدەنگیینە مەنەنۆ."
