جوانۍ کە پەی یاڎو جە ئەڎابییەو ڕابەر ئاپۆی جە ئامادۆ بەرەو ئامارا ڕاپیمای مکەرا واتشا: "پەی ئازادی بەڎەنی ڕابەر ئاپۆی ڕاپیمای مکەرمې، ئازادی ڕابەر ئاپۆی ئازادی گرڎیمانە."
ئەنجوومەنو جوانا پارتو یەکسانی و دیموکراسی گەلا (دەم پارتی) بۊنەو ٧٦ەمین ساڵرۆو جە ئەڎابیەو ڕابەر ئاپۆیۆ جە مېیانو ئامەدیوە بەرەو دەگاو ئامارای ناوچەو خەلفەتی ڕحای ڕاپیمایشا دەسپنەکەرڎ. ڕاپیماکەی کە بە هوتافەو "بە گلېرگەی دیموکراتیکۆ بەرەو ئازادی ملمۍ" ئەنجام مڎریۆ، جە ٤و نیسانی جە ئامارانە دمایش مۍ.
جوانۍ بەشدار جە ڕاپیماکەی پەی ئاژانسیما قسېشا کەرڎۍ.
ئا ئەرکەی گنۆ ئەستۆما جابەجێش مکەرمۍ
فولیا تاشتانە: پېسە جوانا تا ئامارا پەی ئازادی بەڎەنی ڕابەر ئاپۆی گنمۍ ڕا. تەنیا داواما ئازادی ڕابەرایەتییا و داواو جوانا کوردین. دماو بانگەوازییەکەو ڕابەر ئاپۆی جۆشوخرۆشێوە گۊرەی گێرتێنمێرە. ئانەی گنۆ ئەستۆما پەی ئازادی بەڎەنی رابەرایەتی جابەجێش مکەرمۍ.
پەی ئازادی ڕابەراتیما هەنگامە منیەیمۍ
جان پۆلات گوران: ڕاپیماکەیما پەی ئازادی بەڎەنی ڕابەریمانە و پەی ئانەی ئینایمۍ چۍ. پاڵپەشتی جە بانگەوازییەکەو ڕابەر ئاپۆی مکەرمۍ. گرڎو جوانا خوڵقەو ئامارای مکەرمۍ. سەرەڕاو گرڎو ئاستەنگییەکا درێژە بە ڕاپیمایما مڎەیمۍ.
پەڕ جۆشوخۆرشێنمۍ
ئاڤێستا ئاتەشە: ئینانا جۆشوخرۆشو لواینە پەی ئامارای. وەڵۍ گرڎ چێوێنە پەی پرۆسەو ئاشتی ئازادی بەڎەنی ڕابەریما خاڵەی بنەڕەتییەنە. هیواڎارێنمۍ ئازادی ڕابەریما فەراهەم بۆ. چی ڕووەنە پەی ئازادی بەڎەنی ڕابەریما ڕاپیمایما دەسپنەکەردەن و ئازادی بەڎەنی ڕابەرایەتی ئازادی جوانان.
