تەڤگەری کولتوور و هونەری دیموکراتیکی میزۆپۆتامیا (تەڤ-چاند) لە ساڵی ٢٠١٦دا دامەزرا. ئامانجی ئەم تەڤگەر پەرەپێدانی کەلتوور و هونەرە لەسەر بنەمای دیموکراتیک، شۆڕشگێڕی و کەلتووری نەتەوەیی. تەڤ-چاند، بۆ پێشکەوتنی کەلتوور و هونەری کوردی بوو بە دەستکەوتێکی مەزن، هەروەها بۆ کۆمەڵگەش بوو بە نمونەیەکی مێژووی هونەری.

سەرەڕای هێرشەکانی ئەم دواییە لەسەر هەرێمەکانی باکوور و ڕۆژهەڵاتی سووریا تەڤ-چاند بەهێزتر هونەری خۆی فراوان کرد و بوو بە ئاوێنەی بەرخۆدانی گەل.

سەبارەت بە سەختییەکانی ئێستا لەسەر کەلتوور و هونەر هاوسەرۆکی تەڤگەری کەلتوور و هونەری دیموکراتیکی میزۆپۆتامیا (تەڤ-چاند)ی کانتۆنی جزیرە قەدەر حوسێن بۆ ئاژانسەکەمان قسەی کرد.

قەدەر ئاماژەی بەوەدا تەڤگەری کەلتوور و هونەری دیموکراتیکی میزۆپۆتامیا تەڤ-چاند لە دەستپێکی شۆڕشەوە هەموو جۆرە هونەرێکی شۆڕشگێڕی پێشکەش دەکەین و گوتی: "لەگەڵ بانگەوازە مێژووییەکەی ڕێبەر عەبدوڵا ئۆجالان بۆ تەواوی کوردستان و چارەسەری پرسی کورد لە ڕۆژهەڵاتی ناوین وەک تەڤگەرێکی هونەری بە هێزتر بووین. لە هەمانکاتدا بە گۆرانی و چالاکییە هونەرییەکان دەتوانین ببینە دەنگ و ڕەنگی حەقیقەت لەبەر ئەوەی هونەر ئاستی باڵای کۆمەڵگەیە."

'چالاکییەکانمان بە هێزتر دەبن'

قەدەر ئاماژەی بەوەدا سەرەرای هێرشەکان لەسەر هەرێمەکانی باکوور و ڕۆژهەڵاتی سووریا لە کاری هونەری نەوەستاون و گوتی: "لە ساڵەکەدا چەندین چالاکی ئەنجام دەدەین، وەک چالاکییەکانی نەورۆز، فیستیڤاڵی شەهید یەکتا هەرەکۆڵ، ٤ی نیسان. ئەمەش وەک پیلانسازی ساڵە کە تەڤ-چاند ئەنجامی دەدات."

هونەرێک لەگەڵ شەهیدان بونیاتبنرێت هەرگیز لە ناوناچێت

قەدەر بەمجۆرە باسی هێرشەکانی دەوڵەتی تورکی داگیرکەری کرد: "دەوڵەتی تورکی داگیرکەر بە شێوەیەکی دڕندانە هێرش دەکاتە سەر بەنداوی تشرین و بە هەموو تەکنیکەکانییەوە لە دژی مەدەنییەکان شەڕ دەکات. سەرەڕای ئەمەش گەلەکەمان و شەڕڤانمان بەرخۆدان دەکەن و ڕێگە نادەن بەنداوەکە بکەوێتە دەستیان. ویستیمان ئەم بەرخۆدانە مێژووییەی ئێشکگری لە بەنداوەکە و هێزی شەڕڤانمان بە بەڵگە بکەین و بیکەین بە گۆرانییەکی مێژوویی. با دووژمن بزانێت هونەرەکەمان هونەرێكی شۆڕشگێڕییە، هیچ کەسێک ناتوانێت هونەرەکەمان لە ناوببات. ئەم هونەرە لە شەهید مزگین، سەفقان و باوکی تەیارەوە بەردەوامە، زۆر بە هادارە."

'هونەرمەندان شەڕڤانانی گەلن'

لە کۆتایی قسەکانیشدا گوتی: "ئێمەی گەلی کورد ئاشقی ئازادین و نمونەی بەرچاویش باوکی تەیارە. هونەرمەندان شەڕڤانانی گەلن، شەڕڤانانیش هونەرمەندی گەلن. ڕێبەر ئاپۆ وەها دەڵێت ئێمەش بە پێی ئەم گوتەیە دەڕۆین. هونەرەکەمان بۆ قازانجکردنی پارە نییە، هونەرەکەمان بۆ وڵات و گەلەکەمانە. هەرگیز شەهیدانمان لە بیرناکەین، شەهیدان هۆکاری بوونمانن، هێڵی تێکۆشانمان هێڵی ڕێبەر ئاپۆ و شەهیدانە.

وەک تەڤ-چاند لە بەرانبەر تەواوی ئاڵۆزییەکانی ئێستا بەرخۆدان دەکەین و بەرهەمەکانمان پێشکەش دەکەین. هیوامان ئەوەە بە بەرهەمەکانمان ببینە ەنگ و ڕەنگی کۆمەڵگە."