فیدراسیۆنو عەلەوییە دیموکراتیکەکا (فەدا)، فیدراسیۆنو یۊبیەی دێرسیمو دیموکراتیکی جە ئۊروپا (ADEF) و کۆنگرەو بنیاڎنیای دێرسیمی (دیک) ١٥ەمین فیستیڤاڵو کلتووری دێرسیمی جە ئۊروپا جە ما بەینو ٣٠-٣١و گوڵانی جە ڕێبستۆک پارکو فرانکفۆرتینە ئەنجام مڎا.

فیستیڤالەکە پەی خاوەنداری کەردەی جە تاریخی، کولتووری و شوناسو دێرسیمی ئەنجام مڎریۆ.

فیستیڤاڵەکە بە هوتافەو 'خۆراسانین نەک تونجەلی، دێرسیمین' جە دژو تاونایۆ، نکۆڵیکەردەی، شېونای ئیکۆلۆژی، پەی خاوەنداری کەردەی جە بیەو گلېرگەی دیموکراتیکی و کلتووری دێرسیمی ئەنجام مڎریۆ.

ئا ئەرەمەرزیۍ کە ڕێکوزۍ فیستیڤاڵەکەینۍ جە ئەرەیاۋنێوەنە سەرنجشا وست سەرو سیاسەتەکا ستەم و زۆرداری دۊڵەتو تورکی جە دژو گەلو دێرسیمی و جە دژو ئینەیچ بانگەوازو بەشداربیەیشا جە فیستیڤاڵەکەنە کەرد.

هەرپاسە جە ئەرەیاۋناکەیچەنە ئامان: "ماددەی هۆشبەر، قومار پېسە ڤێرژنێوە تازەو پلانەو ئیسلاحاتی شەرقی جە دژو جوانا دێرسیمی بەکارمۍ" و ئەرەیاۋېیان جە ڕاو بەنداوەکەیۆ ماددە و چېرخانە سروشتییەکا دێرسیمی تاڵان مکریا.

جە فیستیڤاڵەکەنە بەها کولتووری و تاریخیەکۍ دێرسیمی باس مکریا و چڼین هونەرمەڼې و ڕۆشنۋیرۍ بەشدارۍ با. جە فیسیتڤاڵەکەنە بە زۋانی ئەڎایی گۆرانیۍ وچیا و میراتو کلتووری دێرسیمی پەی جیلی ئایندەی باس مکریۆ.

کۆمیتەو فیستیڤاڵی داواش جە درێسیمیا و دۆساش کەرڎ پەشتیووانی بکەرا و هامشێوەو مونزری شەپۆلە بڎا و جە فرانکفۆرتەنە کوۍ باوە.