ئامادەکارییەکێ پەی موبارەک کەردەو ٤و نیسانی ڕۆو ڕۆو بییەو ڕابەر ئاپۆی درێژەشا هەن. کۆردیناسیۆنو تەڤگەرو چاندی و هونەرو کەوانەو زێڕینی، ڕۆوبییەو ڕابەر ئاپۆی پێسەو ڕۆوبییەو گەلی و مرۆڤایەتی هورسەنگنا و با بۆنۆ پەیامێوەش وەڵا کەردۆ.

جە پەیامەکەنە کەوانە زێڕێن هورسەنگنایش پەی کات و یاگێ جە ئەڏایا  بییەو ڕابەر ئاپۆی کەردە و ماچۆنە: "جە تاریخوو کوردەسانینە دەگێوە کولانێ بە نامێ 'ئامارا' ی ٤و نیسانی ڕۆو جە ئەڏایا بییەو جوانێ ئی دەگێ، جە هۆشمەندی گەلوو کوردی و گەلانە مانادارییێ قوڵش هەن. وەرو ئانەی  ڕابەر ئاپۆ کە جە ٤و نیسانینە چی دەگێ جە ئەڏایا بییەن، جە ماناداری بییە و نەبییەو چارەنووسا گەلا کوردی فاڕیا. هەڵوێس و هورچنییەو ئازادیش پێکئارد و بیی بە ئیلهام و هێز پەی گەلەکەیما."

جە بەردەوامیین ئاماژە بە ٤و نیسانی پێسەو ڕۆو بییەو گەلی بە گرڏی و ژەنا بە تایبەت کریان و ماچۆنە: "جە گرڏ یاگێنە ژەنی بییە و وێ بییەو وێش، چی ماناپنەداینە بەدەسش ئارد. هێڵەکێ ئازادی ژەنێ بە ڕۆبییەو ڕابەر ئاپۆی وێش دروس کەرد و گۆرەترین هێزو هۆشمەندی و بییەیش پێکئارد. پۆکەی ژەنێ نامێ ئامارایشا پەی وێشا هورچنییە و جە ڕۆو ٤و نیسانینە پێسەو هێماو خوڵقداری جە گرڏ یاگێنە دارو ژیوایشا نییا. جە گرڏو ئا یاگانە بە 'ژەنی، ژیوای، ئازادی' دەنگشا هورپڕی. پۆکەی گرڏ ساڵێ ڕۆوبییەو ڕابەر ئاپۆی وەرفراوانتەر بۆنە و ژەنی پێسەو رۆوبییەو وێش مانادارش مکەرۆ."

جە دماین و پەیامەکەینە ڕۆو ٤و نیسانی جە گەل، تەمامو ژەنە ئازادیوازا موبارەک کریا و ئامان: "بە نییاو داری جوانترین دیاری پێشكەش وڵاتەکەیما بکەرمێنە. چونکە جوانترین دیاری، پێکئاردەو وڵاتێوە جوانیا، بەجۆشۆ ٤و نیسانی ڕۆو بییە و وێ بییەی موبارەک مکەرمێنە ."