کۆردیناسیۆنی کۆمەڵەی گەنجان ڕایانگەیاند ڕێپێوانی بەرەوو ئامارا، ڕێپێوانی دۆزینەوەی حەقیقەتی ڕێبەر ئاپۆیە و گەڕانەوەیە بۆسەر جەوهەری خۆیەتی و بانگەوازی لە هەموو گەنجان کوردستان و تورکیا کرد بەشداری
کۆردیناسیۆنی کۆمەڵەی گەنجان بە ڕاگەیاندرواێکی نوسراو سڵاویان لە گەنجانی بەشداربوویی ڕێپێوانەکە کرد.
لە ڕاگەیاندراوەکەدا کە سەرناوی "بەرەوە خۆرهەڵاتن هەنگاو دەنێن، ئازادی دەبەخشینە کۆمەڵگەی دیموکراتیک" گوترا: "تێگەشتن لە حەقیقەتی ڕێبەر ئاپۆ، بە تێگەشتن لە کورد و کوردستان تێپەڕ دەبێت کە لە ژێر قڕکاری کولتووری و جەستەییدایە."
لە بەردوامییدا سەرنج خراوەتەسەر بەرخۆدان و تێکۆشانی ٥٣ ساڵەی ڕێبەر ئاپۆ و هاتووە: "ڕێبەر ئاپۆ شۆرشی لە مێشک و دڵدا کردووە. ئەم حەقیقەتە لە تەواوی ڕۆژهەڵاتی ناوین و جیهاندا بووە لە ژیانەوە و هیوای گەلی کورد و ئەو کەسانەی کە لە لێگەڕینی ناسنامە، کولتوور و ئازادیی خۆیاندان."
لە درێژەدا هاتووە: " ڕێپێوانی بەرەوو ئامارا، ڕێپێوانی دۆزینەوەی حەقیقەتی ڕێبەر ئاپۆیە و گەڕانەوەیە بۆسەر جەوهەری خۆیەتی. نابێت ئەوە لە بیر بکرێت ئەوە جەوهەرەی کە گەنجانی کوردستان خۆیانی تێدا دەدۆزنەوە، حەقیقەتی ڕێبەر ئاپۆیە. گەنجانی کوردستان چەنێک لە ڕێبەر ئاپۆ تێبگەن و تێیدا بژین، ئەوەندە جەوهەری خۆیان دەدۆزنەوە."
لە کۆتایی ڕاگەیاندراوەکەدا بانگەوازی لە گەنجانی کوردستان و تورکیا کراوە بۆ بەشداربوون لە ڕێپێوانەکە و هاتووە: "وەک کۆردیناسیۆنی کۆمەڵەی گەنجان سڵاو لەم ڕێپێوانی ئازادییە و بەشداربووانی دەکەین کە هێز دەدەنە ڕێپێوانەکە. بانگەوازی لە گەنجانی کوردستان و تورکیا دەکەین لە پێناو ئازادییدا هەنگاو بنێن و تێبکۆشن بۆ کۆمەڵگەی دیموکراتیک."
