جە وەراسانو کوردستانی و ئێران، ئاخێزو سەرهۆردای بە ۋەرهەنگامی ژەنا و بەدروشمەو (ژەن ژیای ئازادی) فراوانتەر بییەنەوە و نامۍٚ چنڎین شەهیدۍٚ، بریندارۍٚ و دەستبەسەرکریۍٚ ئاشکرێ کریۍٚ.
جە وەراسانو کوردستانی و ئێران، ئاخێزو سەرهۆردای بە ۋەرهەنگامی ژەنا و بەدروشمەو (ژەن ژیای ئازادی) فراوانتەر بییەنەوە.
هیزی شەۋۍٚ و ئارۊیچ جە فرێوە جەرۍٚ و شارەکڵەکاو وەراسانی و ئێرانیەنە جەماوەری ناڕازی مێڎانەنە بێ و چوون ۋیەردە وازیاری وێش پەی فاڕای دەسەڵاتی دووبارەکەدەوە.
جە ۋەرانۋەرەنە، چەکدارکۍٚ دەسەڵاتی بەتەقە و گوللۍٚ، یۆرش و دەستبەسەرکەردەی ڕووبەڕووۍٚ جەماوەری بیێوە و جە ئاکامشەنە ژمارێو جە ۋێنیشاندەکان کوشیۍٚ و بریندارۍٚ کریێ و ژمارێوتەریچ دەستبەسەرکریێ.
جەلایێ تەرەوە، کۆمەڵەو مافو مرۆڤو کوردستانی (کە.مە.مە.کە)، شناسنامۍٚ چنڎین شەهیدۍٚ، بریندارۍٚ و دەستبەسەرکریێ تەرێ ئاخێزەکەیش ئاشکرێ ۋەڵاۋۍٚ کەردێۋە کە بە ئی جۆرەنۍٚ:
جە مەهاباد، مەسعود ئەحمەدزادە، جە دمای برینداریش بەگوللۍٚ چەکدارەکانو ڕژێمی، جە چارەسەرگانە گیانش جەدەستدان.
جە قەسرشیرین، مەهدی فەقیری، خەڵکو کرماشانی، کە بە برینداری دەستگیر کریابێ، جە زندانەنە بە ئەشکەنجە گیانش جەدەستدا.
جە سنە، محەمەد لوتف ئلاهی، کە بە برینداری دەستگیر کریابێ، جە زندانەنە بە ئەشکەنجە گیانش جەدەستدا.
هەر جە سنە، سارینا ساعدی، تەمەن ١٧ ساڵانە دمای ئانەی بە باتۆم چنڎین جارێ جە سەرەیش دریا، بەبرینداری بریێنە چارەسەگا، بەڵام چارەسەرکەردەیش بێئاکام بییەن و گیانش جەدەستدان.
دیسان جە سنە ئەشکان شەریفی دەستگیرکریان و چارەنۋیسش نادیارەن.
جە قەسرشیرین، ۋێنەگێر وەحید شادمان، دەستگیرکریان و چارەنۋیسش نادیارەن..
جە کرماشان (مەهشید مشەشەعی)یە، دەستگیرە کریێنە و چارەنۋیسش نادیارەن.
جە سەقز چەکدارەکۍٚ ڕژێمی هۆشانکۋان سەرو یانا و جە ئاکامشەنە مەتین ئەمینی تەمەن ١٨ ساڵانشان دەستگیر کەردەن و بەردەنشان پەی یاگێوۍٚ نادیارۍٚ
جە تاران، ڕەزا زەندی خەڵکو دێۋلانی بە گوللۍٚ چەکدارەکانو ڕژێمی بە سەختی بریندار بییەن و مەتەرسی گیان جەدەستدایش هەن.
جە سنە، زانا مەنسوری بە گوللۍٚ چەکدارەکانو ڕژێمی بە سەختی بریندار بییەن.بە گوللۍٚ چەکدارەکانو ڕژێمی بریندار بییەن و مەتەرسی گیان جەدەستدایش هەن.
جە سەقز، کورش کەریمان دەستگیر کریان و هیچ هەۋاڵێ جە بارەشەوە نییەن.
جە مەهاباد، (فریشتە ئەحمدی)یە، بە گوللۍٚ چەکدارەکانو ڕژێمی کریێنە ئامانج و گیانش جەدەستدێنە.
جە بانە، فەرەیدون فەرەجی خەڵکو سەقزی، بە گوللۍٚ چەکدارەکانو ڕژێمی کریان ئامانج و گیانش جەدەستدان.
جە قەسر شیرن، فەرید مەردانی، کامەران باڵکانە
، سینا باڵئەفکەن، وەحید شادمان جە ئاخێز و ناڕەزایەتییەکانە دەستگیرۍٚ کریێنۍٚ و چارەنۋیسشان نادیارەن.
