ئەندامەو دەسەو سەرۊکایەتیی گردینوو کەجەکەی سۊزدار ئاڤێستا سەبارەت بە هەڵمەتەو "ئازاڎی پەی عەبدوڵڵا ئۊجالانی، چارەسەری سیاسی پەی پرڎەو کوردی" کە جە ١٠و تشرینوو یوەمینە لاو کەسە نامیەکاو جیهانیوە زیاتەر جە ١٠٠ وڵاتانە دەسش پەنە کریا، قسێش پەی بۊ ئاژانسو هەواڵو فوراتی (ANF) کەرڎۍ.

قسەکاو سۊزدار ئاڤێستۍ ئینێنێ:

"جە ٢٥ەمین ساڵەو پیلانگێڵنیی میاننەتەوەیینە جە کەسایەتیی گەشمەرڎامانە، کە بە دروشموو 'شمە مەتاودۍ ڕۊجیارو ئێمە تاریک کەرڎێ؛ وەرڎەموو پیلانگێڵنییەکەینە بیۍ بە قوسپ و بە گیانبازییوە گوڕشا بە کۊشیای دا و هەرپاسە هامڕا ڕۊژهات زیلان و ئەرڎاڵ شاهین، کە ئەنقەرەنە چالاکیی گیانبازییشا کەرد، گردوو گەشمەرڎاما بە ڕێز و پەنەزانایۊ یاڎ کەرووە. جارێوە تەر ئانە وینییا، کە کۊشیای ئازاڎیی گەلوو کوردی، کە سەروو خەتەو گەشمەرڎاما و ڕابەر ئاپۊی بەرڎەوامەنە، سەر گنۊ.

بە نامۍ جمیەرەکەیماوە سوپاسوو گردوو ئا کەسا کەرمۍ، کە بەشدارییشا جە هەڵمەتەو "ئازاڎی پەی عەبدوڵڵا ئۊجالانی، چارەسەری سیاسی پەی پەرسەو کوردی" کەرڎە، کە جە ١٠و تشرینوو یوەمینە سەروو ئاستوو جیهانیوە جە زیاتەر جە ١٠٠ وەڵاتانە دەسش پەنە کەرد، گردوو ئانیشا ڕەنج و مانیایشا کێشت و خەباتشا کەرد بە گردوو توانایشاوە پەی ئازاڎیی جەستەیی ڕابەر ئاپۊی و چارەسەروو کێشەو کوردی، بە ڕێزۊ  سڵامشا وەنە کەروو. مەبارەکبایی جە کۊشیایشا کەروو، ئی هەنگامۍ دەرئەنجاموو ٥٠ ساڵا کۊشیای بێوچانوو ڕابەر ئاپۊینە. ڕابەر ئاپۊ هەوڵ و ڕەنجێوە فرەش پەی گردوو گەلاو جیهانی بەتایبەت ژەنا کێشت. ماوەو ٢٥ ساڵا  ئیمرالینە ئینا چێروو گۊشەگیریێوە تندینە. بەتایبەت جە ٢٥وو ئادارو ٢٠٢١یوە گۊشەگیرییەکە ئندە تند بییەن، کە حیچ هەواڵێوە ڕابەرایەتیماوە نییا. سڵام جە مدرامانی مانادارو ڕابەر ئاپۊی کەروو و وەشەسیای و ڕێزوو وێمش پەی مکیانوو. چەنی دەسپەنەکەرڎەی هەڵمەتەکۍ جە ١٠و تشرینوو یوەمینە، گەلۍ ستەموەنەکریۍ، ئازاڎیوازۍ، ڕۊشنویرۍ، هونەرمەندۍ، ژەنی و جمیەرە ژیوگەپارێزنییەکۍ ئازاڎیی وێشا جە ویرۊکە و فەلسەفەو ڕابەر ئاپۊینە ویناوە.

ڕابەر ئاپۊ تەنیا ڕابەرو گەلو کوردی و گەلاو وەرکەوتی دلێڕاسینی نیا، جیهانیین. ئینە  گرنگ و مانادارا. پی هەڵمەتۍ ئیساتۍ مشۊم ئازاڎیی ڕابەر ئاپۊی مسۊگەر بۊ. ئینەیە فرە خاس موینمۍ. کۊنفیدڕاڵیزمی دیموکراتیک، یۊبییەی گەلا و نەتەوەی دیموکراتیک تاکە چارەسەرا،  کە دمایی بە کێشەو کورد، کێشەکاو جیهانی و کۊکوشیی ژەنا مارۊ. ڕابەر ئاپۊ سەرمەشقوو ئینەینە. ڕابەر ئاپۊ  گردوو ژیوایش  پەی خەباتوو ئازاڎیی گەلا و ژەنا بەخت کەرد. ئەگەر ٢٥ ساڵۍ  دلۍ گۊشەگیریێوە تندینە بییەبۊ، ٣١ مانگێن زانیاریما هیچ سەرش نیا و ئارۊیچ گردوو دنیێنە کۊشیاێوە هەن پەی دەسەبەرکەرڎەی ئازاڎیی جەسەییش، کە هێزوو پارادایموو ڕابەرایەتی نیشانە مدۊ، پەوکای ئا هەڵمەتۍ کە ١٠ی تشرینوو یوەمیوە دەسش پەنە کەرڎەن، هەنگامێکی گرنگە و ستراتیژییەنە. مشۊم پرۊسێوە چانەنە ئازاڎیی جەسەیی ڕابەر ئاپۊی مسۊگەر کەرمۍ.

دماو ئانەیە دۊساو گەلەکەیما ئی هەڵمەتێشا دەس پەنە کەرڎە،  گرد ڕوۍ چە وەرکەوتوو دلێڕاسەینە و چە کورڎستاننە پەشتیوانیی هەڵمەتەکۍ کەرا. ئێمە پێسە جمیەروو ئازاڎی ٢٥ ساڵێن بە بێهامتا پەی ئازاڎیی جەستەیی ڕابەر ئاپۊی و چارەسەروو کێشەو کوردی، خەبات کەرمۍ، هەزاران گەشمەرڎێما بەخشۍ و باجی فرەما دان. تا ئارۊ، کۊشیایما یاونمۍ سەرکەوتەی و ئازاڎیی جەسەیی ڕابەر ئاپۊی مسۊگەر کەرمۍ. پەوکای ئجۊم گەلەکەما، دۊسەکێما، هێزە دیموکراسی و سۊسیالیستەکۍ و هەرکەسێوە کە ویر و فەلسەفەو ڕابەر ئاپۊی پێسە هومێدێوە پەی وێشا وینا، ئی هەنگامۍ تەنیا بە قسۍ و ئەرەیاونای سنوورڎار  مەکەرا. پێویسا ئی هەڵمەتۍ بە شێوازی جیاواز و تازە  بەرڎەوامە بۊ. ئینە فرە گرنگا. ئانۍ سەرمەشقۍ هەڵمەتەکێنۍ ژەنی و گەنجێنۍ.

ئا ئەقڵیەتە کە سایلۊو گەنمەکا وەرنیشتنە بۊرڎومان کەرۊ، یانۍ هاگاداریی فەلەستینی کەرۊ

سڵام وەنەو ئا گەنجا کە پۊلیسوو تورکی ڕاگێرییش وەنە کەرڎۍ و دیپۊرتێش کەرڎێوە، کۊشیایشا فرە گرنگا. من کە گەنجۍ ئینترناسیۊناڵیستۍ سەرمەشقایەتیی ئا کەمپەینەیە کەرا، کە ١٠و تشرینوو یوەمینە دەسش پەنە کەرڎەن. بەتایبەتی حەز کەروو ئاماژە  کەروو پانەیە دیسانۊە چی قۊناغەو کۊتایینە دەوڵەتی فاشیستوو تورکی، کە بەتایبەتی بە چالاکیی قوربانیدای ئەنقەرەی تووشوو شۊکی بییەن، تا ناڕەزایەتی دژوو پیلانگێڵنییەکەی نەکریۊ، هجوومەکێش فرەتەرۍ کەرڎۍ. ئێمە جە جەنگو ئیساتۍ ئیسرائیلی و فەلەستینینە جارێوە تەر گرنگیی پارادایموو ڕابەر ئاپۊیما دی.

حەرچندە هامڕێکێما ڕۊژهات زیلان و ئەرڎەڵ شاهین، کە گیانبازاو کۊشیای ئازادینۍ، تەقەمەنی و چەکی قورسشا پەنە بۍ، تاوێنی جیای ئانەیە پەیامێوە بدا، هەنگامێوە فرە جیاوازتەرە گێرا و زەرەری فرە بە دوژمنی بیاونا. وەلۍ پەیامێوەشا دا. ڕابەر ئاپۊ واتش، 'ئەگەر دەسەڵاتوو کۊنترۊڵکەرڎەی گرڎوو جیهانیچما بۊ، هجووم مەکەرمۍ سەروو کەسی، وەلۍ ئەگەر گرڎوو جیهانیچ هجوومما کەرۊ سەر، شییەینەکەیچش  هەرچی بۊ وەرگێری جە وێما کەرمێ'. ئینە فرە گرنگا. چالاکییەکەو ئەنقەرەی جارێوە تەر ئینەش نیشانە دایمۍ. حکومەتوو ئاکەپە-مەهەپەی فاشیستی ئینەشا کەرڎ بە بەهانۍ و دەسشا کەرڎ بە هجووومکەرڎەی سەروو مەنتێقەکاو سەرنیشتی و وەرکەوتوو سوریای. سایلۊو گەنما، ئەرەمەرزییۍ نەوتییەکۍ و خەسەخانەکۍ و کۊگاو ئاوێشا بۊرڎومانۍ کەرڎێنۍ. گوایا هەمان ئەقڵیەت داکۊکی جە فەلەستینی کەرۊ. جارێوە تەر ڕوخساری هەقەتینشا ئاشکرا بی. تا کێشەو کورڎی چارەسەر نەکریۊ، قسۍ حەر وەرپەرسێوە تورکی حیچ مانێوەش نییەنە.

ئاکەپە-مەهەپەی فاشیست حکومەتێوەن، کە هەڵای قسەکرڎەی بە کورڎی قەدەغە کەرۊ. تا ئیساتێچ نامۍ کورڎی شار و دەگایەکاو کورڎستانینە قەدەغە کەرۊ، وەلۍ لێوە تەرۊ ماچۊ فەلەستین جینۊساید کریۊ. بێگومان جینۊساید دژوو گەلوو فەلەستینی یاگۍ قبووڵ نییەنە. گەلوو فەلەستینیچ مافوو وێش هەنش. جمیەرەکەما وەڵتەر ئەرەیاونای پێویسش سەروو ئینەیە دان.  وەلۍ پێویسا ئا کەسێچە بشناسیاوە، کە جە ڕاو هەڵسەو ژەنا و زارۊڵاو  فەلەستینیوە سیاسەتی قێزەون کەرا. حەر چی قۊناغەنە زارۊڵاو وەرکەوتیچ کوشیێنۍ. تا ئیساتێچ هەزاران وەرنیشتێی جە کەمپەکاو شەهبای و یاگەکای تەرینە مژیوا و پەنابەرێنۍ. گەلوو ئێمە مەخمورنە ٢٩ ساڵێن خاکوو وێشاوە کۊچشا کەرڎەن. دەوڵەتوو تورکی جە چند ڕۊی ویەرڎەنە، دووۍ جارۍ خەڵکەکەما چاگە و مزگییەکەش بۊرڎومان کەرڎ. ئینەیچە ئەقڵیەتشا بەر وزۊ. ڕۊو ٨و تشرینوو یوەمی ٢٩ ڕۊڵۍ گەلەکەیما و گەلوو عەرەبی، جە هجوومەکەو دژوو ئەنداماو یەکەو وەرەنگاربییەیۊ ماددە هۊشبەرەکانە هێزەکاو ئاسایشوو دلۍ سەرنیشتنە و وەرکەوتوو سوریاینە گەشمەرڎۍ بیۍ. بە ڕێز و پەنەزانایۊ یادوو ٢٩ شەهیدا کەرووە و سەرەوەشی جە بنەیانەکاشا کەروو. ئی هجوومە دڕندانە بەرش وزۊ، کە حکومەتوو ئاکەپە-مەهەپەی چندە دووڕووا.

چونکوم ڕابەر ئاپۊ ھەنگامەش پەی دمای نەنیا، گۊشەگیری دژوارتەر کەرا

ھەڵمەتەو 'ئازادی پەی عەبدوڵڵا ئۊجالانی، چارەسەری سیاسی پەی پەرسەو کورڎی' دووۍ ئامانجۍ سەرەکیێش هەنۍ. تا ئا وەختە ڕابەروو گەلوو کورڎی، عەبدوڵڵا ئۊجالان جە ڕووەو جەستەییوە ئازاد نەکریۊ، پەرسەو کورڎی چارەسەرە مەبۊ و وەرکەوتی دلێڕاسینیچنە سەقامگیری، ئاشتی و یەکڕیزی نمۍ دی. جە سایۍ ڕەنج و مانیای ڕابەر ئاپۊی و مدرامانی بە جۊشوخرۊشوو گەریلاکاو ئازادی یاوێنمۍ ئی قۊناغەو کۊشیایە. سڵام جە گەریلاکاو هەپەگە-یەژاستاری کە چا هەڵمەتێنە دا بە شایستەی هەرمانەکاشا پۊڕنا.  گەریلاکاو ئازادیی کورڎستانی شکۊمەندۍ ئێمەنۍ. گەریلا بەتایبەتی ھەرێمەکاو پارێزنای مێدیا، زاپ، مەتینا، ئاڤاشین، خواکورکینە تاکوو سەرحەد، باگۊک، دەرسیم، بۊتان و زاگرۊس فرە خاس وێگێری کەرا و گورزی قورس وەنەو فاشیزمی مدا. گەریلا مانگەو تشرینوو یوەمینە چالاکییەکێش زیاتەرۍ کەرڎۍ و ئەنجامێوە بەنرخش بی، ساڵ و نیمێوەن دوژمن گەرەکشا ئەنجامێوە بەدەس بارۊ، وەلۍ زاپنە گیرش وارڎەن، نمەتاوۊ هەنگامێوە بلۊ وەڵیوە.

گەریلاهەرمانەو وێش کەرۊ. دوژمنیچ چەکێوە قەدەغەکریا بەکار مارۊ. دژوو ئانەیجە مشۊم گەنجاو کورڎستانی، تورکیای، گەنجۍ ئینتەرناسیۊنالۍ، عەرەبۍ، سەرمەشقی پەی ھەڵمەتەو 'ئازادی پەی عەبدوڵڵا ئۊجالانی، چارەسەری سیاسی پەی پەرسەو کورڎ'ی کەرا و ھەم وێشا بیاونا گەریلای. گەریلا کۊشیایشا سەروو خەتەو بێریتانۍ و کەماڵەکاوە بەرۊ ڕاوە. ساڵیادوو گەشمەرڎەیی هامڕا بێریتانێن. ٣٠یەمین ساڵیادوو سوپابییەی ژەنە ئازادان. وەرکەوتی دلێڕاسیننە، کورڎستان و جیهاننە، ماوەو ٣٠ ساڵان ژەناو کورڎی سەرمەشقایەتیی سوپێوە وێڕاوەبەرۍ و ئازادەو ژەنا کەرا، کە پەی یوەم جاری ئەرەمەرزیێنە.  دلۍ ئا سوپێنە ژەنی عەرەب، تورک، فارسۍ و نەتەوۍ تەرێچ بەشدارێنۍ. پەوکای جە کەسایەتیی قارەماناو یەژا ستارینە٣٠یەمین ساڵیادوو بەسوپابییەی ژەنە ئازادا مەبارەک بۊ. ئا کۊشیا گەورە کە کورڎستاننە هەن، بە تەنیا کاریگەرییش سەروو گەلاو مەنتێقەکەیۊ نییا. چا هەڵمەتێنە وینمۍ فرە جە گەلا هومێدشا سەروو گەریلای ورچنیەن، چون گەریلا ئینا وەڵێوە، گەلەکەما و گەلاو مەنتێقەکەی کۊشیای سەروو خەتەو ڕابەر ئاپۊیۊ گەشتەر کەرا. ڕابەر ئاپۊ کە گۊشەگیر کریان، بە بێھامتا وێگێری کەرۊ.

سەبەبوو تندکەرڎەی گۊشەگیری ئانەن، کە ڕابەر ئاپۊ سازش سەروو خەتەی یەرەمۍ مەکەرۊ و هەنگامە بەرەو دما مەنیۊ. بۊنەو ڕاسییاوە دەس بە ھەڵمەتەو 'ئازادی پەی عەبدوڵڵا ئۊجالانی، چارەسەری سیاسی پەی پەرسەو کورڎ' کریا. ئجۊما ٢٦ـەمین ساڵڕۊو پیلانگێڵنییەکەی حیچ هۊکارێوە نییا، تا ڕابەر ئاپۊ ئیمراڵیینە بازییۊوە هەڵمەتەکێچ بە ئامانجەکەیش نەیاوۊ.. تاکوو ڕابەر ئاپۊ ئازاد نەکریۊ و پەرسەو کورڎی چارەسەرە نەکریۊ، بڕواما هەنە کە شمە کۊشیەیدۍ. سڵام و ھومێدوو سەرکەوتەی پەی گرڎوو ئا کەسا، کە بەشدارییشا هەڵمەتەکێنە کەرڎەن".